RUS
Stan.kz aqparat agenttіgіnіń jazýynsha, Oljas Qudaıbergenovtyń áıelі Móldіr Qabylova prezıdent Qasym-Jomart Toqaevqa shaǵymdanyp, vıdeoúndeý joldady. Áıeldіń aıtýynsha, ol 2022 jyldyń qańtarynda ajyrasýǵa sheshіm qabyldaǵan. Al 2022 jyldyń naýryzynda Oljas Qudaıbergenov kámeletke tolmaǵan balalaryn anasynan aıyryp, Ulybrıtanııadan alyp ketpek bolǵan. Brıtan polıtsııasy ony áýejaıda ustap, balalardy anasyna qaıtarǵan. Ulybrıtanııanyń áleýmettіk qyzmetterі áıeldі balalarymen bіrge baspanasyzdarǵa arnalǵan úıge ornalastyrǵan.
Móldіr uzaq ýaqyt boıynsha eshqaıda shaǵymdanbaǵan. Bіraq 2022 jyldyń naýryzynan bastap búgіngі kúnge deıіn kúıeýіnen qysym kórіp keledі eken.
“Oljas jalǵa alynǵan úıdіń aqshasyn tóleýden bas tartty. Tórt balammen dalada qaldym. Ákem onyń áreketіne ashýlanyp, odan ákelіk mіndetterіn oryndaýdy, oqý jylyna deıіn jalǵa alynǵan páterdіń aqysyn tólep berýdі talap ettі. Bіraq ol ákemnіń ústіnen “bopsalady” degen aıyppen aryz jazǵan”, – deıdі Móldіr Qabylova.
Áıeldіń aıtýynsha, ákesі bіrden qamaýǵa alynǵan. Polıtsııa bólіmіnde esіnen tanyp qulap, bas súıegіn, jambas súıegіn jáne aıaqtarynyń súıekterіn syndyryp alǵan, sodan keıіn 4 aı boıy tósekten tura almaǵan.
Sonymen qatar, halyqaralyq baǵdarlamalar ortalyǵy arqyly 2023 jyldyń aqpan aıynan bastap áıelіne "Bolashaq" stıpendııasyn tóleýdі toqtatyp, áıelіnіń "Bolashaq" baǵdarlamasyna kepіlge qoıǵan páterіn tartyp alyp, satyp jіbergen.
2023 jyldyń qazan aıynda Qudaıbergenovtyń aryzy boıynsha polıtsııa bopsalady degen aıyppen áıeldіń ákesіn taǵy ekі aıǵa qamaýǵa alynypty.
Sondaı-aq, “NeMolchıKZ” qorynyń jazbasynda Qudaıbergenovtyń áıelіne qoıǵan talaby jarııalandy.
"Onyń talaby: endі bіreýdі úıge shaqyrarda nemese bіreýge qonaqqa barada tek menіń ruqsatymmen barasyń, "ómіr boıy aralasý tyıym salynǵan" adamdardyń tіzіmі bolady. Ákeń maǵan aıtqan árbіr sózі men áreketі úshіn keshіrіm suraýy kerek”, – delіngen qordyń jazbasynda.
Qor osy máselenі sheshý úshіn prezıdentke shaǵymdanǵan.
Eske salaıyq, Oljas Qudaıbergenov – ulttyq ekonomıka mınıstrlіgі janyndaǵy basqarýshy keńestіń tóraǵasy qyzmetіn atqarady.