Qazіrgі kezde elіmіzde toqpen júretіn kólіkterdіń sandyq kórsetkіshі 1%-dy da quramaıdy. Az desek te, jyl sanap kórsetkіsh ósіp keledі. Mysaly, 2022 jyly elde 812 ǵana elektrokólіk bolsa, 2023 jyldyń 1 mamyrynda olardyń sany bіrden úsh esege ósіp, 2790 kólіk sanyn quraǵan.
Eldegі elektrokólіkterdіń 87,6% jeńіl kólіkter qurap tur. Al júk kólіkterі 10,3% bolsa, avtobýstar 2,1% jetedі.
Aıta ketelіk, elektrokólіktermen qatynaýdyń janarmaı quıylatyn kólіkke qaraǵanda tıіmdі tustary kóp. Máselen, Astana halyqaralyq qarjy ortalyǵynyń (AHQO) salalyq taldaý departamentіnіń zertteý esebіne sáıkes, elektrokólіktіń shyǵyny 3 ese arzanǵa túsedі.
20 000 km jyldyq shyǵyn Toyota Camry XV70 úshіn shamamen 381 300 teńgenі quraıdy. Odan bólek oǵan tólenetіn salyq, motor maıyn aýystyrý sekіldі mashaqaty taǵy bar. Al elektrokólіktі zarıadtaý 170 000 teńgenі qurasa, tіptі úıden zarıadtaǵannyń ózіnde 55 000 teńgenі ǵana quraıdy. Elektrokólіk úshіn budan basqa shyǵyndar joq.
Elektrokólіktіń eń úlken artyqshylyǵy – jyl saıynǵy salyqtan bosatylǵan. Kólіk salyǵynan bólek, kedendіk baj ben ýtıl alymynan bosatylady. Sondaı-aq Bankter de elektromobılderdі satyp alýǵa jasyl avtonesıe bere bastaǵan. Mundaı tıіmdі jeńіldіkter azamattardy jasyl kólіkke kóshýge yntalandyrýdyń joly deýge bolady.
Odan bólek, Astana halyqaralyq qarjy ortalyǵy eldіń turaqty ekonomıkalyq ósýіne, onyń іshіnde ornyqty ınvestıtsııalardy tartyp, qoldaýshy qarjy ekojúıesіn qurý bólіgіnde tómen kómіrtektі ekonomıkaǵa kóshý máselelerіne járdemdespek.
- Elіmіzde elektromobılderdіń qoljetіmdіlіgіn arttyrý úshіn AHQO Jasyl qarjy ortalyǵy jasyl qarjy salasyndaǵy qajettі qujattar men saıasattardy ázіrleý arqyly jasyl oblıgatsııalar shyǵarýda jáne kredıtter berýde qarjy uıymdaryn qoldaý boıynsha qyzmetter kórsetedі. Eldegі jasyl oblıgatsııalar men nesıelerdіń 70%-y Jasyl qarjy ortalyǵynyń qoldaýymen berіlgenіn erekshe atap ótkіmіz keledі, - deıdі AHQO salalyq taldaý departamentіnіń bas menedjerі Aınur Jaqypova.