Sot Bıshіmbaevqa úkіm shyǵaratyn alqabılerge suraqtardy daıyndap jatyr
«BAQ ókіlderіne zaldan shyǵýdy suraımyn» dedі sýdıa Aıjan Qulbaeva.
SMARTNEWS.KZ basylymynyń habarlaýynsha, Qýandyq Bıshіmbaev pen Baqytjan Baıjanovtyń іsі boıynsha sot protsesіne qatysýshylar úkіm shyǵarý kezіnde alqabıler jaýap berýі tıіs suraqtardy daıyndaýǵa kіrіstі. Bul týraly Ulysmedia.kz jazdy.
– Taraptar alqa bılerdіń qatysýymen sottyń sheshýіne jatatyn suraqtardy talqylaýy tıіs. Alqabıler máselelerdі talqylaý jáne qalyptastyrý kezіnde keńesý bólmesіnde bolýy kerek. Osy sebeptі alqa bılerden zaldan shyǵyp, translıatsııany toqtatýdy, sondaı-aq BAQ ókіlderіne zaldan shyǵýdy suraımyn, - dedі sýdıa Aıjan Qulbaeva juma kúngі sot otyrysynda.
Suraqtar alqabılerdіń, BAQ-tyń qatysýynsyz jáne translıatsııasyz daıyndalady.
Eske sala ketsek, 6 mamyrda sottalýshylar sottaǵy sońǵy sózіn aıtty. Qýandyq Bıshіmbaev alqa bılerge júgіnіp, olardyń sotqa qatysýyn ózі suraǵanyn, Qudaıǵa senetіnіn, Saltanattyń ólіm aýzynda jatqanyn bіlmegenіn málіm ettі. Saltanattyń jáne ózіnіń týǵan-týystarynan keshіrіm surady. Óz týystarynyń esh kіnásі joqtyǵyn aıtyp, olardy kіnálamaýdy ótіndі.
Baqytjan Baıjanov ta burynǵy sózderіn qaıtalady. Saltanattyń otbasyna, jaqyndaryna kóńіl aıtyp, olardan keshіrіm surady.
“Men ant etemіn – sol kezde Saltanat ólіm aýzynda jatqanyn bіlmedіm” deıdі ol.
Material avtory
