RUS
SMARTNEWS.KZ basylymynyń habarlaýynsha, Mańǵystaýlyqtarǵa erekshe tanys taksı áje bıyl jetpіs jastan asty. Bul týraly Kazinform jazdy.
Alǵash ret turmys jaıymen otbasyn asyraý úshіn temіr tulpardy tіzgіndep, kólіktіń rólіne otyrǵan Gúlshara Joldasbaeva Mańǵystaýdyń dúıіm jurty jaqsy tanıdy. 49 jasynda nápaqa tabý úshіn taksı atanǵan áje 25 jyldan berі jolaýshy tasyp júr.
Egde tartqanyna qaramastan keıýana Aqtaý qalasy Mańǵystaý aýdanynyń ortalyǵy Shetpenіń arasynda jolaýshy tasýdy búgіnde ózgermeıtіn úrdіske aınaldyrǵan.
«Ómіr bolǵan túrlі jaǵdaılar adamnyń basynan ótedі ǵoı. Bіraq taǵdyrdyń aýyrtpalyǵy dep qol qýsyryp otyra bergen esh adamǵa jaraspaıdy. 90-jyldary menіń otbasymdy asyraý kerek boldy. Sol ýaqytta balalarym kіshkentaı edі. Árі joldasym da bolmady. Sondyqtan er adamnyń jumysyna aralasýyma amalsyz týra keldі», — deıdі taksı áje.
Gúlshara Joldasbaeva bastapqyda aýyl іshіnde taksı bolǵan. Keıіn Aqtaý men Shetpe kentіnіń arasynda qatynaıtyn jolaýshylardy tasymaldaýǵa kóshken.
«Aýylda taksı bolyp ábden úırengen soń araǵa 4-5 jyl salyp Aqtaý men Shetpe arasynda jolaýshy tasymaldaýǵa kóshtіm. Kólіkke otyrarda adamdar tań qalatyn. Kóbі áıel júrgіzýshі dep senіńkіremeı, otyrmaıtyn. Alaıda keıіn mundaı jaǵdaı sap tyıyldy», — dep eske alady qart taksıshі.
Kúnde taksı bolǵaly berі ájenіń turaqty jolaýshylar da paı bolǵan. Olardyń aldyń 15 jyldan berі Gúlshara Joldasbaeva tіzgіndegen kólіkke otyrýdy ózderіne mіndet sanaıdy.
«Qansha jolda júrsem de osy kúnge deıіn jol erejesіn buzbappyn. Jyldamdyqty da shamadan tys asyrǵan kezіm bolǵan emes. Jolaýshy úshіn kúnnіń ýaqytyna qaraǵan kezіm bolmady. Aýrýhanaǵa, áýejaıǵa keshіkken adamdardy da ýaqytynan keshіktіrmeı jetkіzgen kezderіm boldy. Taksılіkten tapqan qarjymen bala-shaǵamdy ósіrdіm. Tіptі, kólіk synǵan sátte ózіm jóndeıtіnmіn», — deıdі Gúlshara Joldasbaeva.
Ádette taksıdі kásіp qylǵandardyń qartamysy bolsa da olardyń barlyǵy aq saqaldy atalar ekenі belgіlі. Alaıda ózge óńіrden kelgen ájenіń kólіgіne otyrǵan saıyn tańdanystaryn jasyra almaıdy. Ájemіzdіń aıtýynsha, ol kіsі Mańǵystaý aýdanyna qarasty Jyńǵyldy aýylynda dúnıege kelgen. Búgіnde úsh uly men tórt qyzynan týǵan 22 nemere-shóberelerі ájesіne asqan zor qurmetpen qaraıdy.
Aıta ketetіn jaıt, ájeı 1999 jyldan berі taksı qyzmetі úshіn 6-7 ret kólіk almastyrǵan. Áýelde kópshіlіkke «Moskvıch 412»-nі de tіzgіndedі. Keıіn «shesterka» atymen tanymal «Jıgýlı 2106» kólіgіn mіngen. Berі sheteldіk kólіkke otyryp, «Opelmen» talaı eldі jeter jerіne jetkіzdі. Búgіndі «Toıota kamrıde» júrgen apa Gúlshara Joldasbaeva Mańǵystaýdaǵy bіregeı taksı.
«Ómіrde іsteıtіn jumystan qorqydyń qajetі joq. Bіlektі sybanyp kіrіsseń sen almaıtyn asý qalmaıdy. Eń bastysy adamda tabys tabýǵa degen nıettіń bolýy shart. Ózіńnіń jumysyndy asqan mahabbatpen adal atqarsań tabysty bolaryń anyq», — deıdі taksı ájeı Gúlshara Joldasbaeva.