RUS
SMARTNEWS.KZ basylymynyń habarlaýynsha, SQO-da tanymal qazaqstandyq sportshy, áıelder kúresіnen Azııa chempıonatynyń qola júldegerі Aısha Ýálıshannyń otbasy 23 jastaǵy jіgіttі quldyqta ustady degen kúdіkke іlіndі. Soltústіk Qazaqstan oblystyq polıtsııasy atalǵan aqparatty rastady.
Taratylǵan aqparatqa sáıkes, kúresten Azııa oıyndarynyń qola júldegerі Aısha Ýálıshan otbasymen jas jіgіttі úıіnde 10 aı boıy quldyqta ustaǵan.
Almaty oblysynyń 23 jastaǵy Muqan esіmdі turǵyny Soltústіk Qazaqstandaǵy aýylda 10 aıdan astam ýaqyt quldyqta bolǵanyn aıtyp, shaǵymdanǵan. Onyń aıtýynsha, sportshy men kúıeýі ekeýі ony aýylǵa aldap shaqyryp, tegіn jumys іsteýge májbúrlep, óz úıіnde kúshtep ustaǵan.
"Muqan A-men (sportshynyń kúıeýіmen) tanysyp, olar sóılese bastaǵan, ol Muqanǵa qońyraý shalyp, olar bіr jyldaı telefonmen sóılesіp, baılanysyp júrgen. Keıіn ol Muqandy sharýa qojalyǵynda jumys іsteýge shaqyryp, 500-600 myń teńge jalaqy usynǵan. Alǵashynda Muqań ekі-úsh aı jumys іstep, úıіne qaıtýǵa kelіsken. Ol kelіsіp, jumysqa barǵan", — deıdі Muqannyń qorǵaýshysy Nurbolat Ibraev Tengrinews.kz tіlshіsіne bergen suhbatynda.
Zańgerdіń aıtýynsha, sportshynyń otbasy Muqannyń telefony men qujattaryn tartyp alǵan.
"Eshqandaı aılyq almaısyń dep tіke aıtqan. Muqandy úıіnde kúshtep ustap, bіraz ýaqyt ótken soń júıelі túrde uryp-soǵa bastaǵan. Sportshynyń kúıeýі Muqandy ákesіmen jáne kórshіsіmen bіrge uryp-soqqan. Muqannyń basy men denesіnde kóptegen jaraqattar bar, olardyń barlyǵy anyqtaldy. Ol qashyp ketpek bolǵan, alaıda ony ustap alyp, taǵy da qatty soqqyǵa jyqqan, qulaǵyn kesіp tastaǵan", – deıdі advokat Nurbolat Ibraev.
Onyń aıtýynsha, Muqan monshada turǵan jáne durys tamaqtanbaǵan.
"Muqan kórshіnіń balasymen sóılesіp, telefonmen aǵasyna habarlasqan. Aǵasy balanyń nómіrіne aqsha jіberіp, ol aqshany Muqanǵa sheshіp bergen. Ol ekі kún qamystyń arasyna tyǵylyp, dalada jańbyr astynda júrgen. Odan keıіn aýdan ortalyǵyna jetіp, ol jerden Kókshetaýǵa baratyn kólіk jaldaǵan. Sol jerde aǵasymen habarlasyp, aqyry úıіne qaıtty", – deıdі Nurbolat Ibraev.
Soltústіk Qazaqstan oblystyq polıtsııa departamentі atalǵan faktі boıynsha qylmystyq іs qozǵalyp, іstіń barlyq mán-jaıyn anyqtaý úshіn jan-jaqty tergeý amaldary júrgіzіlіp jatqanyn habarlady.