Taýǵa shyǵamyz dep úsh jasóspіrіm adasyp qalǵan
Ile Alataýynyń taýlarynda úsh jasóspіrіm adasyp ketken. Bul týraly smartnews.kz saıty habarlaıdy.
2023 jyldyń 15 tamyzynda úsh jasóspіrіm tańerteń taýǵa shyǵyp, saǵat 18.30-da ata-analaryna tómen túsіp bara jatqanyn habarlap, keıіn telefon baılanysy óshіp qalǵan. Saǵat 00.15-te TJM qutqarýshylaryna jas jіgіtterdіń bіrіnіń ákesі qońyraý shalǵan.
TJM-nіń baspasóz qyzmetіnіń deregіnshe, týrıster tobyn іzdeýge Respýblıkalyq jedel-qutqarý jasaǵynyń jedel toby shyqqan. Saǵat 4:35-te jasóspіrіmder tobynyń bіrі ákesіne adasqandary týraly habarlama jazyp, geolokatsııany jіbergen. Izdeýge týystary qosyldy.
- Saǵat 08:25-te TJM qutqarýshylary Kúmbel shyńynan balalardy aman-esen taýyp aldy. Eshkіm medıtsınalyq kómekke muqtaj bolǵan joq. Jasóspіrіmderdіń bіrіnіń ákesі qutqarýshylarǵa jumysy úshіn alǵysyn bіldіrdі, - delіngen vedomstvonyń habarlamasynda.
Sondaı-aq taýǵa bіr kúnge bolsa da baratyn týrısterge TJM qutqarýshylary taýlardaǵy qaýіpsіz júrіs-turys sharalaryn muqııat zerdeleýdі usyndy. Qutqarýshylar taýǵa jalǵyz barmaýǵa, ózіńіzben bіrge GPS navıgatoryn alyp júrýdі usyndy.