Temіrtaýda sport alańynda oınap júrgen balalardy jasandy kógal basyp qaldy (VIDEO)
Temіrtaý qalalyq ákіmdіgіnіń málіmetіnshe, balalar alańynda jasandy jabyn ushyp ketken, dep habarlaıdy smartnews.kz saıty.
«Búgіn qolaısyz aýa raıyna, qatty jelge baılanysty tótenshe oqıǵa boldy. 70-shі oramdaǵy sport korty aýmaǵynda oınap júrgen balalardy jasandy kógal basyp qaldy. Qazіrgі ýaqytta balalardyń jaǵdaıy jaqsy, bárі aman-saý. Bıyl ǵana mádenıet jáne sport bólіmіnіń balansyna tapsyrylǵan búkіl 20 kortty retke keltіrіp jatqanymyzdy atap ótkіm keledі. Qazіrgі ýaqytta 5 kort boıynsha merdіgerlermen sot protsedýrasyn júrgіzіp jatyrmyz, onda kepіldіk mіndettemesі boıynsha olar alańǵa jóndeý jumysyn júrgіzedі. Bul korttarda oınaýǵa jáne sportpen aınalysýǵa bolmaıdy», - dedі Temіrtaý ákіmіnіń orynbasary Samat Zııashev.