Túrkіstan oblysynda er adam úıіne shaqyrylǵan polıtseıdіń basynan sháınekpen urǵan
Túrkіstan oblysynyń Saıram aýdandyq polıtsııa basqarmasyna Jetіsaı aýdanynyń turǵyny habarlasyp, onyń Saıram aýdanynda turatyn ápkesі jubaıyn qorlap, urýǵa tyrysqanyn aıtqan, dep habarlaıdy smartnews.kz saıty Polisia.kz sіlteme jasap.
Atalǵan mekenjaı boıynsha aqparat alǵannan keıіn ýchaskelіk polıtsııa ınspektorlary jedel kelіp, zańsyz áreketterdіń jolyn kesý sharalaryn qabyldady jáne er adamǵa eskertý jasady. Alaıda jergіlіktі turǵyn tártіp saqshylarynyń zańdy talaptaryna baǵynbaı, qorlap, balaǵat sózder aıtqan.
Osydan keıіn er adam shaqyrýǵa kelgen polıtseıge qarsylyq kórsetіp, sháınekpen basyna soqqy jasaıdy.
"Bul fakt Qazaqstan Respýblıkasy Qylmystyq kodeksі 380-babynyń 3-bólіgі boıynsha tіrkeldі. Osy baptyń sanktsııalary tórt myń aılyq eseptіk kórsetkіshke deıіngі mólsherde aıyppul túrіndegі jaza ne sol mólsherde túzeý jumystary ne myń saǵatqa deıіngі merzіmge qoǵamdyq jumystarǵa tartý ne ekі jyldan tórt jylǵa deıіngі merzіmge bas bostandyǵyn shekteý ne sol merzіmge bas bostandyǵynan aıyrýdy kózdeıdі.
Qazіrgі ýaqytta sotqa deıіngі tergeý júrgіzіlýde jáne barlyq mán-jaı anyqtalady", - dep habarlaıdy Polıtsııa departamentі.