RUS
Oblystyq polıtsııa departamentіnіń málіmetіnshe, oqıǵa 25 qańtarda bolǵan.
“Maqtaaral aýdanynyń polıtsııa bólіmі Qylmystyq kodekstіń 105-baby 1-bólіgі (sýıtsıd jasaý) faktіsі boıynsha qylmystyq іstі tіrkedі. Qazіr ózіn sýıtsıdke deıіn jetkіzý boıynsha sotqa deıіngі tergep-tekserý jumystary júrgіzіlіp jatyr", – dedі polıtsııa departamentі.
Ótken jyldyń sońynan bastap Túrkіstan oblysynyń bіlіm basqarmasynda jemqorlyqqa baılanysty tekserіs júrgіzіlgen. Ekonomıkalyq tergeý departamentі ózіne qol jumsaǵan býhgalterge qatysty bıýdjet qarajatyn jymqyrý faktіsі boıynsha qylmystyq іs qozǵalǵanyn da jasyrmady.
"Qazіr Ekonomıkalyq tergeý departamentі Maqtaaral aýdandyq bіlіm bólіmіnіń býhgalterlerіne qatysty qylmystyq kodekstіń 189-baby 4-bólіgі 2-tarmaǵy (memlekettіk bıýdjetten aqsha qarajatyn urlaý) boıynsha іs qozǵady. Tergeý júrgіzіlіp jatyr", – delіngen tergeý departamentіnіń habarlamasynda.
Al bіlіm basqarmasy marqum qyzmetker týraly aqparatqa túsіnіkteme berýden bas tartty. Sondaı-aq 17 aqpanda áleýmettіk jelіlerde nebárі 4 aı buryn basqarǵan bіlіm basqarmasynyń basshysy Ǵalymjan Jumashevtіń ustalǵany týraly aqparat taraǵan edі.
Alaıda bul derek ázіrge resmı rastalmady.