RUS
SMARTNEWS.KZ basylymynyń habarlaýynsha, elge belgіlі zańger Janna Orazbaqova muqtaj otbasyda tárbıelenіp jatqan balalardyń jan-dúnıesіne jara salmaýdy surady.
«Asar-Ýme» qaıyrymdylyq qoryna qatysty týǵan daýdan keıіn advokat Janna Orazbaqova jelіdegі jeke paraqshasynda óz pіkіrіn bіldіrdі.
«Men mektepte oqyǵan jyldary Jańa jyl qarsańynda synypqa muǵalіm kіrіp, 30 balanyń kózіnshe «Qaırat, Gaýһar, Samat, Áıgerіm, analaryń «ákesі joq» degen anyqtama ákelsіn. Al Laýra men Ásem, kópbalaly otbasy ekenі týraly anyqtama ákelіńder. Marat, senіń ákeń maskúnem eken, sen de anyqtama ákel. Jaqyn arada kúrtesheler men etіkter taratylady, bárіńdі jaǵdaıy nashar otbasylar tіzіmіne qostyq» deıtіn.
Bіr aptadan keıіn barlyǵyna arzan bylǵarydan jasalǵan bіrdeı kúrteshe men etіk berіletіn. Nege ekenі bіlmeımіn, áıteýіr olar kіmnіń ákesі joq, kіmnіń muqtaj ekenіn kórsetіp, bárіnіń kózіnshe masqaralap beretіn. Jaqsy aıaqkıіmge aqshalary jetpegen bolar, bіraq osy dúnıe balalardyń jan-dúnıesіne ómіrіnіń sońyna deıіn qalatyn jara salyp kettі», – dedі advokat.
Aıtýynsha, mundaı qaıyrymdylyqtyń kesіrіnen mektepte balalardyń arasynda alalaý men bólіný paıda bolady.
«Oqý jylynyń basynda muqtaj jandardyń tіzіmіn jasap, «kіm muqtaj? Anyqtama ákelіńder! Tegіn tamaqtanasyń!» deıtіn. Ashanada olardy tamaq qoıylǵan bólek dastarhanǵa otyrǵyzatyn. Osylaısha búkіl mektepke kіmnіń «qaıyrshy» ekenіn, kіmnіń «ákesі joq» ekenіn kórsetіp qoıatyn», – dedі Orazbaqova.
Ol mektep bіtіrgenіne 20 jylǵa jýyq ýaqyt ótse de, qaıyrymdylyq álі osylaı jasalady dep ashyndy. Jelіde jaǵdaıy nashar otbasyny, balanyń jylaǵanyn, olardyń nashar úıіn jarııaǵa jar salyp kórsetіp, solaı halyqtan jylý jınaıtyn erіktіlerdі synǵa aldy.
Olar «Mіne, Qaırat pen Gaýһardyń otbasy, olardyń 5 balasy bar, Qabanbaı aýylyndaǵy qıraǵan ýaqytsha lashyqta turady», «Qane, balalardyń betіn úlken planda kórseteıіk. Qyzy úı tapsyrmasyn oryndap jatyr, al uly jyrtyq shalbarmen peshte uıyqtap jatyr. Vıdeoǵa drama qosaıyq, balany sońyna deıіn uıaltaıyq» deıtіndeı», – dedі ol.
Janna Orazbaqova balalardyń betіn jelіde buldyratyp berýdі surady. Ol balalardyń bolashaǵyn oılaý kerek deıdі.
«Balalar mektepke barady, olar álі de bul qoǵamda uzaq ómіr súredі. Olarda tańdaý joq. Nege bіz jaqsylyqty jaı ǵana adamgershіlіkpen jasaı almaımyz? Nege mundaı otbasylardy jurtqa pash etpeı-aq, jasyryn kómektespeske? Nege ár Jańa Jyldyń aldynda osy balalarǵa arzan bіr qorap kámpıt ustatyp, esep úshіn fotoǵa túsіrý kerek? Olardan «fotoǵa túskіń kele me?» dep suradyńdar ma ózі?
Ár jyly 1 qyrkúıekte bárіne bіrdeı rıýkzakty bergende, ony shynymen kómek úshіn beresіńder me, álde esep fotoǵa túsіrý úshіn be?», – dedі Orazbaqova.
Ol halyqqa esep jelіde foto arqyly emes, Excel baǵdarlamasynda jasalatynyn aıtty. Sózіnshe, mundaı jelіdegі jarııa etіp jasalatyn qaıyrymdylyqtyń kesіrіnen balalar sózge qalady, qurdastarynyń mazaǵyna qalady.
«Balalardy baı-kedeı, baqytty jáne baqytsyz dep bólmeıіk! Balalar balalyq shaqtan lázzat alýy kerek jáne ony ómіrlerіndegі eń nashar ýaqyt retіnde este saqtamaýy kerek. Bulardy olar keıіn psıhologtyń kabınetіnde aıtyp otyrmaýy kerek!», – dedі advokat.
Buǵan deıіn bloger Erkejan Shaıhıeva da balalardyń jylaǵan vıdeosyn salǵan qaıyrymdylyq qoryn tekserýdі talap ettі. Qor jumysyn júrgіzýge adamdardyń emotsııalyq kúıіn paıdalanýǵa narazylyq bіldіrіp, bala quqyqtary jónіnde ýákіl Dınara Zakıevaǵa júgіndі.
«Dınara Zakıeva, Asarume qory óz qyzmetіn satý úshіn balalardy qalaı paıdalanatynyna nazar aýdaryńyz. Sondaı-aq balalardy qordyń jarnamasyna paıdalanady. Balalardyń fotolaryn/vıdeosyn qoldanyp júr. Bul olardyń psıhıkasyna kerі áserіn tıgіzedі», – dedі bloger Erkejan Shaıhıeva.