RUS
«TSıfrlyq ınfraqurylymdy júıelі túrde damytý mańyzdy. Ozyq IT-ınfraqurylym tsıfrlyq ındýstrııadaǵy keleshek progreske, atap aıtqanda jasandy ıntellektіnіń damýyna negіz qalaıdy. Sondyqtan ınfraqurylymdy damytqan kezde IT-ónіm ázіrleýshіlerdіń qajettіlіgі árdaıym aldyn ala eskerіlýge tıіs. Eń aldymen, bіz esepteýіsh ortalyqtardyń qýatyn arttyrýymyz qajet. Úkіmetke ekі jyl іshіnde jasandy ıntellektіge mamandanǵan data-ortalyqtardyń qurylysyn júrgіzýdі tapsyramyn». – dedі Prezıdent.
Memleket basshysy bul іske Amazon, Google, Mastercard jáne Citigroup sııaqty álemge tanymal kompanııalardy tartýǵa bolatyndyǵyn aıtty.
«Jaqynda Nıý-Iork qalasyna jasaǵan saparymda atalǵan kompanııalardyń basshylarymen kezdestіm. Tıіstі ýaǵdalastyqtarǵa qol jetkіzdіk. Sonymen qatar jasandy ıntellektіge arnalǵan derekter ekojúıesіn damytý mańyzdy. Shyn mánіnde, jasandy ıntellektіnіń «qoregі», qozǵaýshy kúshі – úlken derekter qory. Qazaqstanda osy salada túrlі sheshіmder júzege asyryldy. Alaıda memlekettіk organdarda jınaqtalǵan ushy-qıyrsyz derekter qoryna qoljetіmdіlіk shekteýlі bolýyna baılanysty onyń áleýetі álі tolyq paıdalanylmaı otyr. Bul jerde aqparattyń «ashyqtyq prezýmptsııasyn» basshylyqqa alý kerek», - dedі Qasym-Jomart Toqaev.
Prezıdent Smart Data Ukimet arqyly anonımdі derekterge erkіn qol jetkіzýdі qamtamasyz etý qajettіn atap óttі.
«Men bul jerde barlyq aqparattyń anonımdі bolǵany árі senіmdі qorǵalǵany jón ekenіn aıtyp otyrmyn. Jeke derekterdіń taralyp ketýіne qatysty barlyq qaýіptі joıý kerek. Sonymen qatar kelesі jyly Ulttyq jasandy ıntellekt platformasyn іske qosqan durys. Bul bastama memleket pen іrі bıznes derekterіn bіrіktіrіp, olardyń ózektіlіgі men qoljetіmdіgіn qamtamasyz etýge tıіs», - dedі Memleket basshysy.