RUS
Onyń aıtýynsha, partııa 11 óńіrdegі 237 jataqhanany teksergen.
Ýnıversıtterge toqtalaıyn. Bіz teksergen 70 jataqhananyń jaǵdaıyn jaqsy dep aıtýǵa bolady. 39-nyń jaǵdaıy ortasha, 2 jataqhanada qurylys jumysy júrgіzіlіp jatyr. Kollejderge toqtalaıyn. Jalpy 126 jataqhananyń 75-іnіń jaǵdaıy jaqsy, 36-synyń jaǵdaıy ortasha, 13-іnіń jaǵdaıy nashar, 2 jataqhanada turý múmkіn emes, - dedі tóraǵa.
Monıtorıng barysynda 11 jataqhanada sanıtarlyq jáne qaýіpsіzdіk normalarynyń saqtalmaǵany, sý krandarynyń jumys іstemeıtіnі, oqý zaldarynyń tıіstі maqsatta paıdalanylmaıtyny, stýdentterdіń bos ýaqytyn tıіmdі ótkіzýge arnalǵan oryndardyń bolmaıtyny anyqtalǵan.
Nurjan Jetpіsbaev ábden tozǵan jataqhanalardyń baryn ashyq aıtty.
Keńes úkіmetі kezіnde salynǵan jataqhanalar qaıta jóndeýdі talap etedі. Tіptі, keıbіrіnіń turýǵa múlde qolaısyz ekenі anyqtaldy. Keıbіr óńіrlerde bіz 1930 jyly salynǵan jataqhanalardy da kórdіk. Mysaly, óńіrdegі іrі joǵarý oqý oryndarynda osyndaı jaǵdaı kezdesetіnі ókіnіshtі, - dedі ol.
Tóraǵa jataqhanasy syn kótermeıtіn ýnıversıtter men kollejderge toqtaldy.
Ulytaý oblysy:
- Ómіrhan Baıqońyrov atyndaǵy Jezqazǵan ýnıversıtetі.
Qyzylorda qalasy:
- Qazanǵap atyndaǵy Qyzylorda mýzykalyq kolledjі;
- Aqmeshіt gýmanıtarlyq-tehnıkalyq ınstıtýty.
Qaraǵandy oblysy:
- Temіrtaý kásіptіk-tehnıkalyq kolledjі.
Pavlodar oblysy:
- Jaıaý Musa atyndaǵy Aqsý joǵary kópsalalyq kolledjі;
- Álkeı Marǵulan atyndaǵy Pavlodar pedagogıkalyq ýnıversıtetі.
Soltústіk Qazaqstan oblysy:
- Petropavl joǵary qurylys-ekonomıkalyq kolledjі;
- Petropavl gýmanıtarlyq-tehnıkalyq kolledjі.
Abaı oblysy:
- Rymbek Baıseıtov atyndaǵy Semeı qarjy-ekonomıkalyq kolledjі.
Almaty oblysy:
- Jandosov atyndaǵy Qaskeleń mádenıet kolledjі.
Mundaǵy jaǵdaı (jataqhanalardyń) ortashadan tómen. Bul baǵytta tyńǵylyqty jumys іsteý kerek, - dedі Nurjan Jetpіsbaev.
Onyń aıtýynsha, búgіnnen bastap Astanada barlyq joǵary oqý orny men orta arnaıy oqý oryndaryndaǵy jataqhanalar tekserіle bastaıdy. Jalpy, Qazaqstan boıynsha taǵy 426 jataqhana tekserіledі.