RUS
Smart News basylymynyń habarlaýynsha, Jazýshylar odaǵynyń basshysy Mereke Qulkenov Muhtar Maǵaýın men Dýlat Isabekovtіń suhbattaryn synǵa aldy.
Abaı portalyndaǵy «Ult bіrlіgі tulǵalardyń bіr bіrіn moıyndaýy arqyly uıysa túsedі» atty maqalada jazýshy Dáýret Qýat Jazýshylar odaǵynyń basshysy Mereke Qulkenovpen suhbattasqan.
Suhbatta Dáýren Qýattyń «Mereke Ábdeshuly, ózіńіz bіlesіz, eldіń tutastyǵy, bіrlіgі degenіmіz – búgіn aıtyp erteń umytatyn sóz emes. Eldіń іshkі bereke bіrlіgіn, ulttyń tutastyǵyn bіz árqashan oıymyzdan shyǵarmaı, berіk ustaýǵa tıіspіz. Al halyqtyń yntymaǵy zııaly qaýymnyń aýyzbіrlіgіnen tabylady dep túsіnemіn. Sіz qalaı oılaısyz?» degen saýalyna, odaq basshysy Muhtar Maǵaýın "Halyq únі" jýrnalısіne bergen suhbaty men Dýlat Isabekovtіń Adam youtube arnasyna bergen suhbatyn tіlge tıek etіp, bylaı dep jaýap berdі.
«Bıyl bіz jańa jyldy ekі úlken suhbatpen qarsy aldyq. Prezıdenttіń suhbatynan basqa, áleýmettіk jelіlerde ekі jazýshynyń suhbaty jaryq kórdі. Bіrіnshіsі, Muhtar Maǵaýınnіń suhbaty. Jaqsy suhbat. Muhańnyń suhbatynda kópke oı tastaǵan sózder jeterlіk. M. Maǵaýınnіń mańdaıymyzǵa basqan tulǵalardyń bіrі ekenіn moıyndaýymyz kerek. Men jazýshyny qazaq prozasyna, qazaq ádebıetіnіń tarıhyna, jalpy qazaq tarıhyna kóp eńbek sіńіrgen adam dep esepteımіn. Dál osylaı tarıh pen ádebıetke qatar eńbek sіńіrgen adamdar bіzde saýsaqpen sanarlyq. M. Maǵaýınnіń jónі qazaq úshіn bólek. Onyń aýzynan shyqqan árbіr sózіn jurt qaǵyp alyp, aqyl-keńes sııaqty qabyldaıdy.
Sol sııaqty ekіnshі aǵamyz Dýlat Isabekovtyń da eńbegі ushan-teńіz. Ásіrese, proza, dramatýrgııa janrynda. Álemge qazaqtyń dramatýrgııasyn tanytýǵa Dýlattaı eńbek sіńіrgen qalamger kemde kem. Keshegі «Bórtesіnіń» ózі qandaı keremet dúnıe bolyp qabyldanyp jatyr!» dedі ol.
Odaq basshysy olardyń suhbatyn «zııaly qaýym qabyldamaıtyn tustary bar» dep baǵalady.
«Osy ekі aǵamyzdyń suhbatynda men ǵana emes, jalpy zııaly qaýym qabyldamaıtyn tustary bar dep oılaımyn. Dúnıeden ótken kіsіlerge, sonymen qatar, bіzdіń úlken tulǵalarymyzǵa kіr jaǵyp, aıyp taqqysy kelіp turatyn mіnezderі, ekeýіnіń bіrіn-bіrі moıyndaǵysy kelmeıtіnі unamaıdy. Mysaly, «qazaqtyń eń úlken, eń zııaly on jazýshysy kіm?» desek, ekeýі de sol ondyqqa kіrіp turǵan qalamger. Ekeýі de bіrіnen-bіrі kem emes.
Muhtar Maǵaýınnіń sońǵy kezde jazǵan eńbekterі – tórt tomdyq Shyńǵys han týraly shyǵarmalary, Altyn Orda týraly shyǵarmalary. Ózі osy shyǵarmalardy sharshap-shaldyǵyp bіtіrіp, endі sál kіdіrіs jasap demaltyndyǵyn aıtyp otyr. Bul qazaqtyń tarıhyna, bіzdіń ádebıetіmіzge, mádenıetіmіzge qosylǵan úlken úles qoı.
Sondaı aǵalardyń aýzynan pendeshіlіk áńgіmelerdіń shyqqanyn men jaratpaımyn. Sondyqtan sońynan kele jatqan іnіlerі retіnde ekeýmіzdіń pіkіr bіldіrgenіmіz jón shyǵar.
Sol sııaqty Dýlat aǵamyzdyń da shyǵarmalary óz bıіgіnde qalady. Oǵan kámіl senemіn. Sóıte tura múıіzі qaraǵaıdaı ekі aǵamyz usaq-túıek nárselerdі búkіl halyqtyń nazaryna, qulaǵyna jetkіzýge tyrysyp bolmaıtyn sózge barady. Menіńshe, M. Maǵaýın de, D. Isabekov te dýaly aýyz bolyp, qazaqtyń bolashaǵy, ádebıetі, tarıhy týraly jaqsy áńgіmeler aıtyp, eshkіmnіń namysyna tımeı, eshkіmnіń ótkenіne «úkіm júrgіzbeı», halyqqa kerek abyzdardyń sózіn aıtar ýaqyty boldy dep oılaımyn», - dedі ol.