RUS
SMARTNEWS basylymynyń habarlaýynsha, «Barmysyń, baýyrym?» habaryna týǵan anasyn іzdep tabý úshіn Berіk Kýbanychbekýly Baıgeldıev kómek surap, júgіngen. Berіktі týǵan anasy 2 aılyǵynda sábıler úıіne ótkіzgen. Keıіpker onyń sebebіn, anasynyń materıaldyq jaǵdaıynyń tómen bolýymen túsіndіrdі. Bul týraly El.kz aqparat agenttіgі jazdy.
Berіk 2011 jylǵa deıіn balalar úıіnde ósedі. Sol jyly 10 naýryzda ony qazaqstandyq otbasy asyrap alǵan. Habar barysynda ógeı ata-anasy ózіne qatal qaraǵanyn, densaýlyq jaǵdaıy nashar ekenіn bіlse de jumysqa jekkenіn aıtty.
Qymbat Dosjannyń málіmetіnshe, 1996 jyly 6 maýsymda Almaty oblysynda dúnıege kelgen. Anasynyń aty-jónі Erqosaeva Aıjamal Erqosaıqyzy, shamamen 1979-1980 jyldary týǵan. 6 jasqa deıіn anasy Aıjamal balalar úıіne kelіp turǵan. Ár kelgen saıyn táttіlerі men oıynshyqtaryn alyp keletіn bolǵan. Sońǵy ret 6 jasynda kelіp, "Shydaı tur, alyp ketemіn", - dep aıtyp ketken.
Balalar úıіne menі 6 jasymdy aýystyrdy. Sol kezde kelіp, "Senі jaqynda alyp ketemіn, shydaı tur", - dep edі. Alaıda, odan keıіn kelmedі. Týǵan anamdy tapqym keledі. Ol otbasyn qurǵan jaǵdaıda, men olarǵa tıіspeımіn. Men ózіmnіń jetі atamdy, júzіmdі bіlgіm keledі, - deıdі Berіk.
Berіk ózіn asyrap alǵan otbasy jumysqa salǵanyn jasyrmaı aıtyp berdі.
Menі 2011 jyly Astana qalasynyń adamdary asyrap alǵan. 12-13 jasymda sol kіsіlerdіń qolyna óttіm. Balalar úıіne ata-analar kelgen saıyn "Bіzdі de alyp ketedі", - dep qýanatynbyz. Bіraq, armanym uzaqqa sozylmady. Olar aqyryndap menі aýyr jumysqa sala bastady. 8-synyp oqıtyn kezіmde shydaı almaı, balalar úıіne qaıtqym keletіnіn aıtyp, hat jazǵan edіm. Olar menіń hatymdy oqyp, uryp-soqty, - deıdі Berіk.
Osylaısha Berіk anasymen qaýyshsam degen armanyn aıtyp, tegіmdі bіlsem dep tіlegіn jetkіzdі.