RUS
SMARTNEWS.KZ басылымының хабарлауынша, Ішкі істер министрінің бірінші орынбасары Бауыржан Әленов Шерзат Болат қаза тапқан күнгі бейнебақылау камерасына түскен бейнежазба әлеуметтік желіде қалай тарап кеткені жөніндегі сауалға жауап берді.
Кеше әлеуметтік желіде бұл видео тарап кетті. Осыған қатысты ІІМ Ішкі қауіпсіздік департаментінде қылмыстық іс қозғалды. Алдағы уақытта барлығы белгілі болады. Техникалық жағдайлар да тексеріледі, - деді Бауыржан Әленов.
Журналистер «Бейнежазбаны кім таратуы мүмкін?» деп нақтылап сұрады.
Күдіктілерге қатысты ештеңе айта алмаймын. Белгілі болғанда хабарлаймыз, - деп жауап берді вице-министр.
Бұған дейін бейнежазбаны Instagram желісінде алғаш болып Sonanews парақшасы жариялағанын жазған едік. Бірақ аталған парақша бейнежазбаны қайдан алғанын дереккөз ретінде көрсетпеген.