RUS
SMARTNEWS.KZ басылымының хабарлауынша, танымал әнші Абай Бегейдің әйелі, блогер Фариза Жұманова туған күнін дүркіретіп атап өткеннен кейін желіде сынға ұшырады. Бұл туралы Stan.kz ақпарат агенттігі жазды.
Фариза туған күн кешіне жақын құрбыларын жинап, қуанышын Instagram парақшасында бөлісті.
«Бүгін дүние есігін ашқан күнім. Жаңа жасым берекемен келсін. Жақындарым жанымда – менен асқан бақытты адам жоқ», – деп жазды ол.
Көпшілік Жұмановаға жылы лебіздерін білдірсе, кей көршілері мерекелік кештің тыныштықты бұзғанын айтып, наразылық білдірді.
«Туған күніңізбен! Бірақ түнгі 00:00-де қатты ән қойып, салют атуды доғарасыздар ма? Балам шошып, бір сағат жылады. Дәл қасыңыздағы көршілеріміз», – деп жазды қолданушылардың бірі.
Айта кетейік, бұған дейін Абай Бегейдің қызы 162 миллион теңге заңсыз табысқа ие болды деген күдікке ілінген болатын.