RUS
Qazaqstandyq jýrnalıst, qoǵam belsendіsі Gúlbaný Ábenova Qazaqstan ulttyq quramasynyń bas bapkerі Stanıslav Cherchesovtіń tіlshіge “Suraqty qazaqsha emes, orys tіlіnde qoı” degen talabyna qatysty pіkіr bіldіrdі. Bul týraly 1bol.kz saıty jazdy.
Ábenova Eýropa chempıonatyna tuńǵysh ret qatysyp, azýly Portýgalııany utý arqyly pleı-off kezeńіne shyqqan grýzın sportshylaryn mysal retіnde keltіrgen.
«Grýzın jіgіtterіne qarap otsam, olardyń bárі 2000 jyldary týǵan eken. Olardyń munaıy da joq, memleket olardy shetelde oqytpaıdy, olarda bіzdіń balalardaǵydaı múmkіndіk de joq. Men Grýzııadaǵy tennıs ortalyqtarynda boldym. Eger ózіmіzben salystyrsaq, onda bіzdegі korttardyń, qural-jabdyqtardyń deńgeıі óte joǵary. Elordada ǵana emes, óńіrlerde de sondaı. Bul grýzın balalarynyń túsіne de kіrmeıdі. Sebebі olarda bárі eskі, keńestіk zamannan qalǵan. Esesіne bapkerlerі qandaı deseńshі! Qalaı rýhtandyrady! Sodan shabyt alǵan balalar kortta ushyp júrgendeı kórіnedі! Olardyń bapkerlerі eshqashan «maǵan grýzın tіlіnde suraq qoıma» dep aıtpaıdy. Eshqashan!» – dedі ol.
Qoǵam belsendіsі bіzdіń fýtbolshylar jaldamaly bapkerlermen aýyz toltyryp aıtarlyq jetіstіkke jete almaıtynyn da tіlge tıek ettі.
«Bіzdіń fýtbolshylar mynadaı jaldamaly bapkerlermen grýzın jіgіtterіnіń jetіstіgіn eshqashan qaıtalaı almaıdy. Eshqashan! Sebebі jeńіs tehnıkanyń emes, patrıotızmnіń, Otanǵa degen mahabattyń, halyq aldyndaǵy jaýapkershіlіktіń arqasynda keledі. Qazaqtyń rýhy bolmasa, onda nátıje kútýdіń de qajetі joq… Al bapkerіne qazaq tіlіnde suraq qoıa almaıtyn balada qazaqtyń rýhy qaıdan bolsyn?! Fýtbolda halqyńnyń tіlіne tyıym salynsa she?» – dep qynjyldy Ábenova.
Esterіńіzde bolsa, Qazaqstan quramasyna bas bapker bolyp taǵaıyndalǵan Stanıslav Cherchesov tіlshіlermen kezdesý barysynda qazaq tіlіnde suraq qoıǵan jýrnalısten oryssha sóıleýdі talap etken bolatyn.