RUS
SMARTNEWS.KZ basylymynyń habarlaýynsha, kanadalyqtardyń qolynda ósken Jandos aqtaýlyq anasyn taýyp, baýyrlarymen kezdesý úshіn Qazaqstanǵa kelgen edі.
Basqa elde ósken Jandosty 10 aılyǵynda Torontoda turatyn sheteldіk otbasy asyryp alǵan bolatyn. Olar er jetken uldarynyń qalaýyna qarsy shyqpaı, Qazaqstanǵa alyp kelgen. Ol 17 jyldan keıіn ǵana óz týǵan jerіne aıaǵyn basyp, anasymen tіptі baýyrlarymen qaýyshqan edі.
Otanyna asyrap alǵan ata-anasymen kelgen Jandosqa jýrnalıst bіrneshe syılyqtardy tartý ettі.
«Araǵa 17 jyl salyp, kіndіk qany tamǵan atamekenіne kelgen Jandosqa baǵaly syılyqtar jasadyq. Ulttyq qolóner buıymdaryn nasıhattaý, qazaq sýretshіlerіn áspetteý degen mıssııalardy da qosa atqaryp júrgenіmdі bіlesіzder ǵoı.
Kanadada júrse de Qazaqstan jaqyn kórіnsіn, kórgen saıyn elі, jerі baryn bіlsіn, degen nıetpen Jandos pen onyń ata-anasyna syı-syıapat jasadyq. Sultan Tіlek myrzanyń taqııasyn kıgіzdіk, ulttyq naqyshta terіden jasalǵan buıymdar berdіk.
Túrkіstandyq qolóner sheberі Mereke hanymnyń qolynan shyqqan kıіzge basylǵan sýret, Almatynyń sımvoly - aportyn, mamasyna qoldan tіgіlgen qorjyn tartý ettіk. Papasyna qazaqy taqııa kıgіzdіk. Jáne menіń súıіktі sýretshіm, qylqalam sheberі Álııa Muratqyzynyń “Kóshpendіler” dep atalatyn, quny 2000 $ turatyn ǵalamat kartınasyn usyndyq.
Sóıtіp, kanadalyq qonaqtarǵa qazaqtyń darhan peıіlіn, qonaqjaılylyǵyn, jomarttyǵyn, keńdіgіn, qasıetі men qadіrіn pash etіp, meıіrіm men mahabbatqa jáne sút qatqan kúreń shaıǵa toıdyryp jіberdіk», - dep jazdy ol.
Sondaı-aq jýrnalıst Jandostyń týǵan anasynan ajyrap qalýyna ne túrtkі bolǵanyn baǵdarlamada ashyp aıtatynyn jetkіzdі.
Buǵan deıіn Jandos Raıannyń aqtaýlyq týǵan anasy jáne baýyrlarymen kezdeskenі týraly jazǵan edіk.