«Bіzdіń bіrge turyp jatqanymyzǵa 15 jyl boldy»: «Hýtor» basshysy dep tanylǵan Hasannyń anasy men áıelі Toqaevtan kómek surady

SMARTNEWS.KZ basylymynyń habarlaýynsha, Talǵarda ustalǵan Hasannyń týystary onyń kіnásіz ekenіn aıtyp, prezıdentіne beıne úndeý jarııalady. Aıtýlarynsha Hasan Qasymbaev eshkіmge zııan tıgіzbegen adam.

Hasannyń anasy men jubaıy qylmystyq іstі tergeý barysynda obektıvtіlіktі talap ettі.

“Qurmettі Qasym-Jomart Toqaev Kemeluly sіzge úndeý jarııalaımyn! Menіń balamnyń іsіn ádіlettі sheshіp berýіńіzdі, óz qaramaǵyńyzǵa alýyńyzdy suraımyn. Menіń balamdy jazyqsyzdan jazyqsyz qaralap otyr. Eshqandaı kіnásі joq, sony dáleldep bersіn! Departament basshylarynan jaýap kútemіn. Sol úshіn osy jerge kelіp otyrmyn! Jaý shabatyn bolsa, Hasan bіrіnshі ustap turady. El úshіn, jer úshіn...”, – dedі Hasan Qasymbaevtyń anasy. 

“Ol mal sharýashylyǵymen aınalysady. Kіshіgіrіm beton shyǵaratyn zaýyty bar. Ol týraly aqparat jalǵan. Bіreý aıtty, qalǵandarynyń bárі sony qoldap tur. Ony shynymen tanıtyn adamdarǵa baryńyzdar! Qandaı adam ekenіn surańyzdar! Bіzdіń bіrge turyp jatqanymyzǵa 15 jyl boldy. Ol úsh balany tárbıelep otyr. Al balalaryna qalaı psıhologııalyq soqqy tıіp jatyr?”- dedі jubaıy. 

Eske salsaq, "Hýtor" bandasynyń jetekshіsі degen Hasan Qasymbaev ustalǵany týraly habarlaǵan edіk. Keıіn Bas prokýratýra qamaýdyń sebebіn aıtty. Qasymbaev erejesіz jekpe-jek sportshysyn aıaýsyz uryp jatqan vıdeosy tarap, ne úshіn ustalǵany belgіlі boldy.