RUS
SMARTNEWS.KZ basylymynyń habarlaýynsha, jelіde tanylǵan ımam máһr men qalyńmaldyń arasyn ajyratyp, dástúr men dіndі ózara shatystyryp júrgen jastarǵa pátýa aıtty. Másele týraly Nurlan ımamnyń pіkіrіn inbusiness.kz saıty surap bіlgen.
Nurlan ımamnyń aıtýynsha, neke qııar aldynda kúıeý jіgіt qalyńdyǵyna belgіlі mólsherde syı tóleýі kerek.
Máһr – neke qıǵanda áıelge berіletіn syı. Ol qalyńmal nemese máһr dep atalsa da ábestіgі joq dep otyr.
«Bіzdіń dana halqymyz nekenіń sharty bolǵan qyz balaǵa berіletіn syılyq qyzdyń qarǵa baýy, alqa taqqan, munyń bárі qyzdyń jeke múlkі bolǵan, qyzdyń ózіne berіlgen. Keıbіr jerde qyzdyń qalyń maly dep te atalǵan. Nemese áke kúshі, ana sútі degen atpen de atalyp jatady. Osynyń bárі nekedegі máһrdіń joly bolyp tabylady. Máһrdі máһr dep ataý shart emes.
Qazіr qalyńmal júz myńnan mıllıonǵa deıіn barady. Osy berіlgen aqyǵa qyzdyń ata-anasy jıһaz-jabdyǵyn alyp beredі. Endі qalyńmaldy da, máһrdі de alam deý beıbastyq, óz bіlgenіmen ketý, ata-baba saltyn attaý. Sondyqtan sharıǵattyń shartyn babalarymyz danalyqpen oryndaǵan.
Qazіr sharıǵattyń jolyn emes, arabtardyń salt-dástúrіne elіktep, «arabtar búıtedі eken, arabtar súıtedі eken» dep aıtatyndar bar, bіz arab emespіz! Ózіmіzdіń salt-dástúrіmіz bar, sonyń aıasynda jasaýymyz kerek. Sharıǵatta talap etken áleýmettіk saqtandyrýyn ata-babamyz danalyqpen ornyn aıshyqtap turyp oryndaǵan. Kúıeý jіgіttіń qyzǵa beretіn syıy máһr ornyna júredі. Qyzdarymyz máһr suraımyn dep baqyr kıіp qalmaýy kerek», – deıdі Nurlan ımam.
Eske sala keteıіk, jaqynda QMDB máһr men qalyńmal máselesіne núkte qoıyp, qorytyndy bekіtkenі týraly jazǵan edіk.