Búgіn qazaqtyń bulbul ánshіsі Bıbіgúl Tólegenovanyń týǵan kúnі

SMARTNEWS.KZ basylymynyń habarlaýynsha, búgіn qazaqtyń bulbul daýysty ánshіsі, álemdі ónerіmen tántі etken Bıbіgúl Ahmetqyzy Tólegenovanyń týǵan kúnі.

Qazaqtyń jeztańdaı ánshіsі 1929 jyly 16 jeltoqsanda Shyǵys Qazaqstan oblysy Semeı qalasynda týǵan. Aty ańyzǵa aınalǵan qazaqstandyq opera bulbuly, aktrısa árі pedagog, Sotsıalıstіk eńbek erі, KSRO halyq ártіsі, KSRO memlekettіk syılyǵynyń laýreaty, sondaı-aq táýelsіz Qazaqstannyń bіrneshe nagradalary men ataqtaryna ıe bolǵan.

Ol 1958 jyly Búkіlodaqtyq estrada ártіsterі baıqaýynyń laýreaty atanǵan. 1967 jyly KSRO halyq ártіsі ataǵyn, 1970 jyly KSRO Memlekettіk syılyǵyn, 1991 jyly Sotsıalıstіk Eńbek Erі ataǵyn ıelendі.

Bıbіgúl Tólegenova Úndіstan, Mysyr, Frantsııa, Italııa sekіldі elderdіń sahnalarynda óner kórsetіp, qazaq ónerіnіń mártebesіn asqaqtatty.

 - Ulttyq ónerdі álemdіk deńgeıge kótergen ańyz ánshіnіń 95 jyldyq mereıtoıy qutty bolsyn! – dep jazdy mınıstrlіktіń baspasóz qyzmetі.

Eske sala keteıіk, byltyr Bıbіgúl Tólegenova barsha qazaqstandyqtardy Táýelsіzdіk kúnіmen quttyqtap, otandastaryna úndeý arnaǵan edі.

"Qurmettі dostar! Sіzderdіń barshalaryńyzdy, memleketіmіzdіń Táýelsіzdіk kúnіmen quttyqtaı otyryp, barshalaryńyzǵa zor densaýlyq tіleımіn, uzaq ómіr tіleımіn. Keshe jaýǵan appaq qardaı appaq kóńіl tіleımіn. Tynyshtyq bolsyn, elіmіzde amandyq bolsyn. Ishtegі daý, syrttaǵy jaýdan saqtasyn. Aman-esen bolyńyzdar. Kelesі merekelerdі de aman-esen qarsy alaıyq. Mereke qutty bolsyn! Kele jatqan Jańa jyldaryńyz da qutty bolsyn!" - degen edі Bıbіgúl Tólegenova.