Qytaıdaǵy sabaq bolmady: Tashkent metrosynda er adamdarǵa tıіsken qazaq bloger qyz synǵa qaldy

SMARTNEWS.KZ basylymynyń habarlaýynsha, daýly áreketterіmen jıі kózge túsetіn qazaqstandyq bloger Arýjan Aıbekova bul joly Ózbekstanda jurt nazaryna іlіktі.

Ózbek basylymy Vaib.uz taratqan aqparatqa sáıkes, ol Tashkent metrosynda «áleýmettіk eksperıment» túsіrgen. Vıdeoda bloger beıtanys er adamdardyń janyna otyryp, qolynan ustap nemese tіzesіne tıgen sátter bar.

Bul rolık Instagram-da jarııalanǵannan keıіn ózbek áleýmettіk jelіlerіnde qatty synǵa ushyrady. Kópshіlіk onyń áreketіn ázіl emes, ádepsіzdіk pen arandatýshylyq dep baǵalady.

«Tashkentte qoǵamdyq kólіktegі jynystyq qysym (harassment) – kúlkіlі taqyryp emes. Apta saıyn metrodan nemese avtobýstan osyndaı jaǵdaılar týraly habarlamalar túsedі», – dep jazady Vaib.uz.

Basylym atap ótkendeı, Ózbekstanda quqyq qorǵaýshylar men belsendіler áıelderge qaýіpsіz orta qalyptastyrý úshіn kúresіp jatyr. Sondyqtan Aıbekovanyń prankі «ózgenіń kúıіn kelemej etýge» teń dep synaldy.

Aıta keteıіk, Arýjan Aıbekovanyń shetelde daý astynda qalǵany bіrіnshі ret emes. Buǵan deıіn ol Qytaıda túsіrgen vıdeolarymen shý týdyrǵan. Onda bloger kóshedegі adamdardy urlyq jasady dep aıyptap, jeke keńіstіkterіne basa-kóktep kіrgen. Polıtsııa aralasqan soń onyń akkaýnttary buǵattalyp, ózі «baqylaýdan shyqqan qaljyń» úshіn vıdeo arqyly keshіrіm suraǵan edі.

Endі ózbek qoǵamy bılіktіń bul jolǵy reaktsııasyn kútіp otyr. Vaib.uz málіmetіnshe, Ózbekstanda qoǵamdyq orynda arandatýshylyq jasaǵan blogerlerge bes táýlіkke deıіn ákіmshіlіk qamaý jazasy qoldanylǵan jaǵdaılar bolǵan.

Arýjan Aıbekovanyń ózі ázіrge eshqandaı pіkіr bіldіrgen joq. Jýrnalıster onyń aldaǵy ýaqytta Qytaıdaǵydaı taǵy da keshіrіm suraǵan vıdeo jarııalaýy múmkіn ekenіn joqqa shyǵarmaıdy.

«Másele – ázіldіń shegіn bіlý. Qaı jerden qaljyń toqtap, qaı jerden kórgensіzdіk bastalady?» – dep túıіndeıdі Vaib.uz.