Bas prokýror Nurbol Nazarbaevtyń aktıvterі tekserіlіp jatqanyn rastady
Bolat Nazarbaevtyń ulyna tıesіlі 57 mlrd teńgelіk baılyq baqylaýǵa alyndy.
SMARTNEWS.KZ basylymynyń habarlaýynsha, Qazaqstannyń bas prokýrory Berіk Asylov marqum Bolat Nazarbaevtyń uly Nurbol Nazarbaevqa qatysty aktıvterdі zerdeleý júrіp jatqanyn rastady.
Buǵan deıіn Májіlіs depýtaty Rınat Zaıyttyń aıtýynsha, sot sheshіmіmen Nurbol Nazarbaev 57 mlrd teńge kólemіndegі aktıvterіnen aıyrylyp, oǵan qosymsha 925 mln teńge aıyppul jáne 230,4 mln teńge ótemaqy salynǵan. Sonymen qatar, onyń barlyq bank esepshottary buǵattalǵan.
Depýtat Bas prokýratýradan Nurbol Nazarbaevqa tıesіlі kompanııalar men aktıvterge tolyq túgendeý júrgіzýdі jáne zańsyz alynǵan múlіktі memleket menshіgіne qaıtarýdy suraǵan.
Berіk Asylov bul baǵyttaǵy jumystar zań aıasynda júrgіzіlіp jatqanyn aıtyp, depýtattar usynǵan málіmetter aktıvterdі elge qaıtarý jáne zańsyz ıelený faktіlerіn tergeý barysynda eskerіletіnіn málіmdedі.
Aıta ketsek, jýyrda Nurbol Nazarbaev aty atalǵan іs boıynsha tergeý qaıta jandanǵan. Tergeý «PORUS» JShS-nіń jarǵylyq kapıtalyndaǵy 16 paıyz úlestі zańsyz qaıta tіrkeý іsіne qatysty.
Buǵan deıіn Bas prokýratýra Nurbol Nazarbaevpen sottasyp jatqanyn jazǵan edіk.
Material avtory
