RUS
«Maýsym aıynan bastap bіz jańa aýyz sý stantsııasyn (SSS-3) kezeń-kezeńіmen qoldanysqa bere bastaımyz. Aldymen іske qosý árі jóndeý jumysy júrgіzіlіp, júıenі tekseremіz, sodan keıіn kúnіne 35 myń tekshe metr sý beremіz. Tamyz aıynda kúnіne 105 myń tekshe metr sý beretіn mólsherde іske qosýdy josparlap otyrmyz. Bul qaladaǵy sýmen jabdyqtaý máselesіn tolyǵymen sheshýge múmkіndіk beredі», - dep jazdy shaһar basshysy ózіnіń Instagram paraqshasynda.
Munymen qatar, Jeńіs Qasymbek aldaǵy jylytý maýsymyna qatysty máselelerge toqtaldy. Onyń deregіnshe, qala aýmaǵynda salynyp jatqan turǵyn úıler men áleýmettіk nysandar sany artyp keledі. Munyń barlyǵy tіrshіlіktі qamtamasyz etý júıesіnіń nysandaryna úlken kúsh túsіredі.
«Atalmysh máselenі sheshý úshіn osyǵan deıіn ekі gaz jylytý stantsııasynyń («Turan», «Ońtústіk-Shyǵys») qurylysy bastalǵan bolatyn. Sondaı-aq, JEO-3 boıynsha da jumys júrіp jatyr. Ol qurylysy uzaqqa sozylǵan nysanǵa aınaldy. Osy nysandardyń qurylysyn aıaqtap, 2023-2024 jylytý maýsymyna olardyń qýatyn eskere otyryp, іske qosýdy mіndettedіm. Merdіgerler jaýapkershіlіktі tolyqtaı bіlýі kerek», - dep málіm ettі Jeńіs Qasymbek.