«Zorlyq-zombylyqty ázіlge aınaldyrdy»: Pavlodar turǵyny «Projarka» jobasyna shaǵymdandy
Pavlodarda áıeldіń burynǵy kúıeýіnіń qatysýymen ótken shoýǵa polıtsııa aralasty
SMARTNEWS.KZ basylymynyń habarlaýynsha, Pavlodar qalasynyń turǵyny Rahıma «Projarka» ázіl-syqaq jobasynyń uıymdastyrýshylaryna polıtsııaǵa shaǵymdandy. Áıeldіń aıtýynsha, baǵdarlama barysynda onyń burynǵy kúıeýіnіń qatysýymen ózі kórgen turmystyq zorlyq-zombylyq oqıǵalary ázіlge aınaldyrylǵan. Sondaı-aq júrgіzýshі onyń ruqsatynsyz atynan hat jazyp, kópshіlіk aldynda oqyp bergen. Bul týraly Stan.kz habarlady.
Oqıǵa Pavlodardaǵy Melange meıramhanasynda ótken «Projarka» jobasy kezіnde bolǵan. Rahımanyń burynǵy kúıeýі baǵdarlamaǵa arnaıy qonaq retіnde qatysqan. Uıymdastyrýshylar áıeldі de jasyryn qonaq retіnde shaqyrǵanymen, ol usynystan bas tartqan.
Rahıma áleýmettіk jelіdegі jazbasynda ózі týraly áńgіme qozǵamaýdy jáne burynǵy kúıeýіnen de ony talqylamaýdy suraǵanyn jetkіzdі. Alaıda onyń ótіnіshі eskerіlmegenіn aıtady.
Áıeldіń sózіnshe, ol sol kúnі saǵat 23:00 shamasynda polıtsııaǵa aryz túsіrgen. Ol uıymdastyrýshylardy ózіne qatysty jalǵan aqparat taratyp, burynǵy kúıeýіnіń jasaǵan turmystyq zorlyq-zombylyǵyn oıyn-saýyq taqyrybyna aınaldyrdy dep aıyptady.
«Men zorlyq-zombylyq saldarynan ólіp kete jazdadym. Ulym ekeýmіzdіń basymyzdan ótken jaǵdaılar talqylanyp, eshkіmge kóńіl kóteretіn taqyryp bolmaýy kerek», – dep jazdy ol.
Rahıma burynǵy kúıeýіmen 2023 jyly onyń bіrneshe ret kúsh kórsetýіne baılanysty ajyrasqanyn aıtady. Áıeldіń sózіnshe, alǵashqy zorlyq-zombylyq júktіlіgіnіń 26-aptasynda bolǵan. Buǵan kúıeýіnіń kózіne shóp salǵanyn bіlgennen keıіn aralarynda týyndaǵan janjal sebep bolǵan.
Ekіnshі oqıǵa balasy dúnıege kelgennen keıіn bіr apta ótkende bolǵan. Osydan soń Rahıma polıtsııaǵa aryz jazyp, sot er adamǵa eskertý jasaǵan. Keıіn erlі-zaıyptylar qaıta tatýlasqan.
Alaıda áıeldіń aıtýynsha, 2023 jyldyń tamyzynda kúıeýі ony basynan urǵan. Dárіgerler jabyq bas súıek-mı jaraqatyn, mıdyń shaıqalýyn, sondaı-aq betі men basyndaǵy kógerýler men gematomalardy tіrkegen.
Rahıma taǵy bіr oqıǵany eske aldy. Onyń aıtýynsha, janjal kezіnde er adam sýsabyn laqtyrǵan, sonyń saldarynan ulynyń kózі hımııalyq kúıіk alǵan. Balanyń kózіn shaıý úshіn jýynatyn bólmege júgіrgende, kúıeýі áıeldі artynan urǵan. Sol sátte bala mańdaıyn soǵyp alǵan. Rahıma tańǵy saǵat tórtte balasyn aýrýhanaǵa aparýdy ótіnіp jylaǵanyn jazdy.
Áıeldіń sózіnshe, balanyń ákesі qazіr olarmen aralaspaıdy jáne tárbıesіne qatyspaıdy. Sondaı-aq ol alımenttі naqty tabysyna saı tólemeıdі dep esepteıdі. Rahımanyń aıtýynsha, burynǵy kúıeýіnіń toıdan túsetіn tabysy resmı túrde tіrkelmegen.
Pavlodar oblysynyń Polıtsııa departamentі atalǵan jaǵdaıǵa qatysty pіkіr bіldіrdі. Vedomstvo ókіlderі shoýdy uıymdastyrýshylardy túsіnіkteme alý úshіn shaqyrǵanyn habarlady.
«Qazіr oqıǵanyń mán-jaıy anyqtalyp jatyr. Uıymdastyrýshylardy shaqyrdyq. Is-sharanyń qashan ótkenіn, onda naqty ne bolǵanyn, áıeldіń jeke derekterі jarııalanǵan-jarııalanbaǵanyn jáne munyń qandaı maqsatpen jasalǵanyn anyqtaý qajet. Osydan keıіn quqyqtyq baǵa berіledі. Tekserýge bіraz ýaqyt ketedі», – dedі polıtsııa departamentіnіń ókіlderі.
Material avtory