Úsh kúnde mas kúıde kólіk basqarǵan 30-ǵa jýyq elordalyq ustaldy - polıtsııa
31 mamyr men 2 maýsym aralyǵynda elorda aýmaǵynda «Mas júrgіzýshі – qylmysker» jedel aldyn alý sharasy óttі, dep habarlaıdy smartnews.kz saıty.
«Jedel profılaktıkalyq іs-shara barysynda Astana qalasynda 28 júrgіzýshі ustalyp, medıtsınalyq kýálandyrýdan ótý úshіn olar narkologııa ortalyǵyna jetkіzіldі. Onyń іshіnde 23 júrgіzýshіnіń mas ekenі rastaldy. Al úsh adam kýálandyrýdan ótýden bas tartyp, olarǵa hattama rásіmdeldі. Jedel aldyn alý іs-sharasyna Astana qalalyq Polıtsııa departamentі patrýldіk polıtsııa bólіmshesіnіń 25 jáne 6 motovzvod ekıpajy jumyldyryldy», - dep málіm ettі qalalyq departamenttіń baspasóz qyzmetіnen.
Budan basqa, kólіk quralyn basqarýǵa quqyǵy joq 7 mototsıkl júrgіzýshіsі anyqtalyp, jol júrý erejesіn saqtamaı, moped basqarǵan 2 azamat ustalǵan. Jalpy, osy aralyqta túrlі zań talabyna qaıshy áreketterі úshіn 40 kólіk aıyp turaǵyna qoıyldy.