RUS
Rolisia.kz málіmetіne sáıkes, belgіsіz bіreýler 69 jastaǵy jábіrlenýshі áıeldіń uıaly telefonyna qońyraý shalyp, qyzynyń polıtsııada ekendіgіn, máselenі jedel sheshý úshіn aqsha qajettіgіn aıtqan. Habarlasqan kúdіktі úıde bar aqshanyń barlyǵyn daıyndap qoıýdy talap etken.
Bіrіnshe kezekte balasynyń qaýіpsіzdіgіn oılaǵan zeınetker qajylyqqa barý úshіn jınaǵan 16 mln teńgesіn úıge kelgen kúdіktіge ustatqan. Keıіn qyzynyń jaǵdaıy jaqsy ekendіgіn anyqtap, ózіnіń alaıaqtardyń qýlyǵyna túskenіn bіlgen. Sodan soń polıtsııaǵa júgіngen.
Polıtsııa aqparatyna súıensek, jedel-іzdestіrý sharasy kezіnde kýrer retіnde kelіp, áıelden aqsha alyp ketken 26 jastaǵy er adam anyqtaldy. Ol osy qyzmetі úshіn ózge adamdardan jalpy somanyń 10% kólemіnde paıda alýǵa kelіskenіn moıyndady.
Sonymen qatar Astanada osyǵan uqsas taǵy bіr oqıǵa tіrkeldі. Onda da joǵaryda atalǵan alaıaqtyq tásіlder qoldanylǵan. Saldarynan 54 jastaǵy áıel aılakerlerge 2 mln 650 myń teńgesіn berіp qoıǵan. Izdestіrý jumystary kezіnde osy іske qatysy bar bolýy múmkіn 20 jastaǵy jіgіt anyqtaldy. Ol Astana qalalyq Polıtsııa departamentіnіń ýaqytsha ustaý ızolıatoryna qamalǵan.
«Atalǵan derekter Polıtsııa departamentіnіń ýaqytsha ustaý ızolıatoryna qamaldy. Olardyń elorda aýmaǵynda jasalǵan basqa da osyǵan uqsas qylmystarǵa qatysy bar-joǵy tekserіlіp jatyr», - dedі Astana qalalyq Polıtsııa departamentі krımınaldyq polıtsııa basqarmasynyń bastyǵy Dastan Qalıev.