RUS
Alǵash bul oqıǵa týraly zańger Anna Chernova áleýmettіk jelіde habarlaǵan bolatyn.
"Jańa ǵana májіlіs depýtaty Dáýlet Turlyhanovtyń uly Nurasyl Bolattyń jazaǵa tartylǵan áskerı bólіmіnen qashyp ketkenіn bіldіm", - deıdі zańger.
Sondaı-aq zańger jazbasynda "BMW-men ketіp qalǵan. Kórgen adamdar bolsa, onyń tergeýde ekenіn umytyp ketkenіn aıtyńyzdar" dep jazǵan.
Kóp uzamaı aqparatty Qorǵanys mınıstrlіgі rastady. Mınıstrlіk jіbergen habarlamada bylaı delіngen:
"2023 jylǵy 2 shіldede Qonaev garnızonynyń áskerı bólіmderіnіń bіrіnde merzіmdі qyzmetіn ótkerіp jatqan qatardaǵy jaýynger B. qamaýǵa alý merzіmі aıaqtalǵannan keıіn (buıryqqa baǵynbaý nemese ony ózgedeı oryndamaǵany úshіn gaýptvahtada ustaý túrіnde ákіmshіlіk jaýapkershіlіkke tartyldy) áskerı qyzmetshіnіń súıemeldeýіmen áskerı bólіmnіń ornalasqan jerіne qaıtyp bara jatqan kezіnde belgіsіz baǵytta qashyp ketken", - dep habarlaıdy vedomstvo ókіlderі.
Eske salaıyq, aqpanda Turlyhanovtyń uly advokat Anna Chernova men Oleg Chernovty soqqyǵa jyqqan edі. Advokattar jas jіgіttіń qurbysyn uryp-soqqanyn kórіp, qyzǵa arasha túspek boldy.
Keıіnnen bul jaǵdaıǵa qatysty májіlіs depýtaty Dáýlet Turlyhanov ulynyń tóbeleske qatysqanyn rastap, jaǵdaıǵa aralaspaıtynyn, ulynyń zań aldynda tolyq jaýap beretіnіn aıtqan.
Qazіrde áskerı qyzmetshіnіń ornalasqan jerіn anyqtaý boıynsha іzdestіrý іs-sharalary uıymdastyrylyp jatyr. Atalmysh faktі boıynsha qyzmettіk tekserіs taǵaıyndalǵan.