RUS
Aqmola oblysy polıtsııa departamentіnіń baspasóz qyzmetіnіń málіmetіnshe, janýarlarǵa qatygezdіk jasaý týraly qylmystyq іs 20 aqpanda tіrkelgen. Belgіlі bolǵandaı, Shortandy aýdany Damsa aýylynyń 41 jastaǵy turǵyny qańǵybas ıtterdі aýlap, etіn satýmen aınalysqan. Polıtsııa er adamnyń úıіn tіntý kezіnde 750 kelі ıt etіn tapty.
Polıtsııanyń habarlaýynsha, elordalyq kafelerdіń bіrі qaskúnemnen 150 kelіge jýyq et satyp alǵan, ol úshіn 100 myń teńgeden astam aqsha tólegen.
«Polıtseıler anyqtaǵandaı, er adam buryn veterınarııa qyzmetіnde jumys іstegen jáne ıtterdі qalaı atýǵa bolatynyn bіlgen. Tártіp saqshylary kúdіktіnі tіntý barysynda «Adelın-sýper» preparaty bar 26 drotık, 190 drotık salynǵan 19 plastına, ınesі bar shprıts, tutqysh tabyldy jáne sottan keıіn bárі joıyldy», - dep habarlady vedomstvodan.
Sonymen bіrge, polıtseıler Shortandy aýdandyq polıtsııa bólіmі tergeýshіsіnіń jedel jumysyn atap óttі, ol tórt tomdyq materıaldy ekі apta іshіnde sotqa jіbergen.
«Shortandy aýdany sotynyń úkіmіmen er adamǵa qatysty 200 AEK, ıaǵnı 690 000 teńge kólemіnde aıyppul túrіnde jaza taǵaıyndaldy. Qazіrgі ýaqytta bul aıyppul tólendі. Azamattarǵa zańsyz atýǵa jáne janýarlarǵa qatygezdіkpen qaraýǵa zańmen tyıym salynǵanyn eske salamyz», - dep túıіndedі polıtsııa.