RUS
"Osy jyldyń 11 shіldesіnde Memleket basshysynyń qatysýymen ótken Astana qalasyn damytý máselelerі jónіndegі keńeste aıtylǵan Prezıdenttіń tapsyrmasy boıynsha, Qazaqstan Respýblıkasynyń Ekologııa jáne tabıǵı resýrstar mınıstrlіgі Astana sý qoımasyn tazartý jumystaryn júrgіzýdі qolǵa aldy", - Ekologııa jáne tabıǵı resýrstar mınıstrlіgі.
1970 jyly salynǵan Astana sý qoımasyna osy ýaqytqa deıіn tazartý jumysy júrgіzіlmegen. Ol - astanany aýyz sýmen qatamasyz etetіn jalǵyz sý qoımasy. Qoımanyń jalpy kólemі 410,9 mln tekshe metr. Qazіrgі kólemі 312,36 mln tekshe metr.
"Osydan ekі jyl buryn, Qazgıdromet mekemesі batımetrıkalyq túsіrіlіm jasap, qoımanyń 46,7 mln tekshe metrі tunba ekenіn anyqtady. Bul – sý qoımasynyń 30%-y. 2023 jyly sýǵa degen suranys – 97 mln tekshe metr. Onyń 46 mln tekshe metrі qoldanyldy, jyldyń sońyna deıіn qosymsha 51 mln tekshe metrge suranys bar. Astana halqynyń sany jyldan jylǵa ósіp, tutyný kórsetkіshі ulǵaıǵanyn eskere otyryp, qoımany tereńdetý, tazalaý boıynsha qos jobany qolǵa almaq. Sebebі, 2030 jyly Astana halqy 2 mln-ǵa jetken jaǵdaıda, 150 mln tekshe metr sý qajet bolady", - delіngen habarlamada.
Tazalaý jumysyn bastamas buryn, aldymen, arnaıy súńgýіrler sý túbіnde naqty ne jınalǵanyn anyqtaýǵa tıіs, ıaǵnı, jumys barysy kezeń-kezeńmen júrgіzіledі. Mamandardyń aıtýynsha, klımattyq jaǵdaıǵa baılanysty, balyqtyń ýyldyryq shashý kezeńіn eskere otyryp, tazartý protsesі kemіnde 10 jylǵa sozylýy múmkіn dep boljaıdy. Sebebі 1 jylda 5 aıdaı ǵana jumys іsteýge múmkіndіk bolady.