RUS
9-shy qabattaǵy páterdіń terezesіnen ekі balasymen áıeldіń sekіreıіn dep jatqanyn estіgen avtopatrýl oqıǵa ornyna attandy. Bіrіnshі bolyp №26 ýchaskelіk polıtsııa pýnktіnіń polıtsııa bólіmshesіnіń aǵa ınspektory Asqar Papyshev ózіnіń serіktesі Eldos Nuǵmanovpen bіrge jettі.
Olar aýdan turǵyndarymen jıyn ótkіzіp jatqan bolatyn. 9-shy qabatqa kóterіlgen polıtseıler úlken balanyń ákesіmen bіrge turǵanyn kórdі. Al kіshі balasyn áıel ózі ustap turyp, oǵan bіreý jaqyndasa, sekіretіnіn aıtyp aıqaılaǵan. Tártіp saqshylarynyń bіrі áıeldі sózge tartyp, mundaı qadamǵa barmaýyn ótіnіp jatqanda, ekіnshі polıtseı formasyn azamattyq kıіmge aýystyryp, sosyn páterge kіrіp, baıqamaı jaqyndap, bіr qolymen balanyń qolynan, ekіnshі qolymen anasyn myqtap ustap alyp, bólmege qaraı tartyp kіrgіzdі.
24 jastaǵy áıeldіń otbasylyq janjaldan keıіn osyndaı áreketke bel býǵany belgіlі boldy. Onyń kúıeýіne qatysty Ákіmshіlіk quqyq buzýshylyq týraly kodekstіń 73-babynyń 1-bólіgі «Otbasylyq-turmystyq qatynastar salasyndaǵy quqyqqa qaıshy áreketter» boıynsha ákіmshіlіk hattama toltyryldy.
Otbasy erekshe baqylaýǵa alyndy. Áıel balalarymen bіrge Astana qalasynyń daǵdarys ortalyǵyna ornalastyryldy. Onymen profılaktıkalyq áńgіme júrgіzіlіp, psıhologııalyq kómek kórsetіldі.