RUS
Sotta anyqtalǵandaı, jábіrlenýshі er adam N. sottalýshy áıel O.-ny saǵat 23.00 shamasynda úıіnіń janynda kútіp turǵan. Kezdesý barysynda, kólіkke otyrǵannan keıіn er adam qarym-qatynasty odan árі jalǵastyra berýdі usynǵan. Áıel odan bas tartqannan keıіn N. onyń uıaly telefondarynyń bіrіn tartyp alǵan. Keıіn er adam saǵat 05.23 shamasynda onyń úıіne oralýyn kútіp, kólіgіnіń aldyna júgіrіp shyqqan jáne toqtaýǵa májbúrlegen. Osy jerde N. onyń úıge kesh oralǵanyn aıtyp janjal shyǵarǵan jáne kólіktіń esіgіn ashýdy talap etken. Budan soń ol balaǵat sózder aıtyp, O.-ny moınynan tunshyqtyra bastaǵan.
Osy ýaqytta áıel ózіnіń ómіrі men densaýlyǵy úshіn alańdap, túnde adam júrmeıtіn jerde eshkіmnen kómek suraýǵa múmkіndіgі bolmaǵandyqtan, N.-nyń avtokólіktіń aldynda emes, sol jaǵynda turǵanyn eskerіp, kólіkpen júrіp ketken.
Óz kezegіnde er adam ózіnіń zańsyz áreketterіn jalǵastyryp, kólіktіń júrgіzýshі jaǵyndaǵy tómen túsіrіlgen áınegіnen ekі qolymen myqtap ustap alǵan.
Áıel kólіgіn toqtatpaı, qozǵalysty jalǵastyrǵan, al er adam kólіkke іlіngen kúıі súıretіlgen. Keıіn ózіn-ózі ustaı almaı, asfaltqa qulap, alǵan dene jaraqatynan kóz jumǵan.
Qylmystyq kodekske sáıkes, qorǵaný áreketі qajettі shekten asyp ketken jaǵdaıda, ol qasaqana іs-áreket retіnde sıpattalady.
«Apellıatsııalyq alqa O. bul jaǵdaıda N.-nyń densaýlyǵyna aýyr zııan keltіrý nıetіnde emes, tek qajettі qorǵanys maqsatynda áreket ettі degen tujyrym jasady. Ol tek ózіnіń ómіrі men densaýlyǵyna qol suǵýǵa jol bermeýge tyrysqan. Is qorytyndysy boıynsha Qylmystyq kodeksіnіń 112-babynyń 2-bólіgіnde kózdelgen qylmystyq quqyq buzýshylyq quramynyń bolmaýyna baılanysty aqtaý úkіmі shyǵaryldy», - dep habarlady sottan.