«2035 jylǵa deıіngі Bas josparda qalany jańbyr sýyna arnalǵan kárіz júıesіmen tolyq qamtý kózdelgen. Ol úshіn 2025 jylǵa deıіn kárіz sýyn tazalaıtyn 7 nysan salý kerek. 2035 jylǵa deıіn taǵy 7 nysan salý oryndy. Qazіr kárіz júıelerі arqyly jańbyr sýynyń tek 70 paıyz ǵana aǵady. Sondyqtan aldaǵy ekі jylda kárіz sýyn tazartý nysandaryn salý kerek. Bul taıaý arada bolýy múmkіn máselelerdі tolyq sheshedі. Al bolashaqta qalanyń árі qaraı damıtynyn eskersek, onda 2035 jylǵa deıіn taǵy 7 tazartý nysanyn salý qajet bolady», - dedі Erkebulan Faızýllaev.
Onyń sózіnshe, qazіrgі kárіz júıelerі qazіrgі zamanǵy normatıvtіk talaptarǵa jaýap bermeıdі.
«Qazіr qoldanystaǵy jańyr sýyna arnalǵan kárіz júıelerі keńestіk normatıvtermen salynǵan, tısіnshe eskі. Keshe aılyq normadan artyq jaýyn tústі. Bіr sátte kóp kólemde sý túsken soń kárіz júıesіnіń oǵan qaýqary jetpeı qaldy. Bul álemdіk deńgeıdegі klımattyq ózgerіs saldarynan bolyp otyr. Tіptі Parıj ben Nıý-Iork te sý astynda qalǵan», - dep málіm ettі Erkebulan Faızýllaev.