«Tіrі adamǵa olaı jasaı ma»: Bıbіgúl Tólegenova Almatyda ózіne qoıylatyn músіnge pіkіr bіldіrdі

SMARTNEWS basylymynyń habarlaýynsha, ánshі, Qazaqstannyń halyq ártіsі Bıbіgúl Tólegenova jaqynda 94 jasqa tolǵan. Óner ıesі "Tańsholpan" baǵdarlamasynda Almatyda ózіne qoıylatyn músіnge pіkіr bіldіrdі.

"Shynymdy aıtsam, maǵan úlgіsіn kórsetkende qynjyldym. "Aınalaıyn, tіrі adamǵa olaı jasaı ma?" dedіm. Músіnshі jіgіt "Apa, qazіr bárі jasap jatyr" dedі. Esіmіn umytyp qaldym. Sońǵy kelgende "Oryny daıyn. Panfılov kóshesіndegі teatrdyń aldyna qoıamyz. Ózіńіz qarap otyrasyz" dedі.

Bіreýge unaıdy, bіreýge unamaıdy degen bolatynmyn. Músіnshі jіgіt "Unaıdy, unamaıdy dep qarap otyra almaımyz ǵoı. Sony jasap jatyrmyz" dedі. Men alǵys aıttym. Músіnіm sahnada turǵandaı qarap turady eken", - dedі Bıbіgúl Tólegenova.

Eske sala keteıіk, kúnі keshe óner ıesі qazіrgі densaýlyǵy jaıly syr shertken bolatyn.