RUS
Bul týraly KTK telearnasy habarlady.
Almatyda asqan qatygezdіkpen óltіrіlgen kúzetshіnіń otbasyna kúdіktіnіń jaqyndary aqsha bermekshі bolǵan. Bolǵan jaıtqa ókіnetіnіn aıtyp, keshіrіm surap keldі deıdі marqumnyń týystary. Bіraq olar keshіrіm bermeıtіnіn aıtyp, kіnálі taraptan bіrde-bіr tıyn almaımyz dep otyr. Kólіkpen úsh ret taptaǵanymen qoımaı, es-tússіz jatqan kúzetshіnі tepkіlegen qaskóıdіń ákesіnіń sózі aqsha usynbaq túgіlі, "ondaı balam joq" degenge saıady.
“Aldymyzdan óttі, "keshіrіńіzder" dep, bіraq keshіrіm bolmaıdy dedіk, sot bolady. Ádіl sot bolǵanyn qalaımyz dedіk. Jeńgeme "maǵan nómіrіn ber, aqsha salyp jіbereıіn" deıdі. Ondaı kómek kerek emes dedіm, eshqandaı kómek kerek emes. Eldіń bárі, búkіl Qazaqstan bolyp jınap jatyr. "Keshіrіm bolmaıdy" dedіm, boldy”, – deıdі marqumnyń іnіsі Rýslan Qaıypbaev.
Rasynda aıybyn jýyp-shaımaq bop aqsha usynǵandardyń kúdіktіge qandaı jaqyndyǵy bary belgіsіz. Óıtkenі onyń ákesі aqsha usynbaq túgіlі, kúzetshіnі óltіrgendі tanymaımyn dep basyn ala qashty.
Qapyda otaǵasynan aıyrylǵan jary men úsh balasyna aýyr soqqy boldy. Úlkenі 14 jasqa tolsa, kenjesіń jasy beste. Barlyǵy jaldamaly páterde turady. Jesіr qalǵan jarynyń shotyna qazaqstandyqtar qazіr kóńіl aıtyp jappaı aqsha aýdaryp jatyr.
Eske salsaq, buǵan deıіn Almatyda 45 jastaǵy er adamnyń ózі turatyn turǵyn úı keshenіnіń kúzetshіsіn qatіgezdіkpen óltіrіp ketkenі týraly jazǵan edіk.