Astanada avtobýsty júrgіzіp kele jatqan júrgіzýshіnіń júregі toqtap qaldy
Elordadaǵy qalalyq avtobýs júrgіzýshіsіnіń jol boıynda densaýlyǵy kúrt nasharlap, keıіnnen ol aýrýhanada kóz jumdy, dep habarlaıdy smartnews.kz saıty.
City Transportation Systems kólіk kompanııasynyń málіmetіnshe, bul jaǵdaı búgіn saǵat 10:20-da Bógenbaı batyr dańǵyly boıyndaǵy «Beıbіtshіlіk» aıaldamasy mańynda bolǵan.
«1961 jylǵy júrgіzýshі óz baǵdarymen kele jatqanda esіnen tanǵan. Sonyń saldarynan avtobýs qorshaý men jaryqtandyrý baǵanyna soǵylyp, odan keıіn jaıaý júrgіnshіlerge arnalǵan jolaqqa shyǵyp ketken. Júrgіzýshі shuǵyl túrde aýrýhanaǵa jetkіzіlgenіmen, esіn jımastan kóz jumdy. Aldyn ala málіmet boıynsha onyń júregі toqtap qalǵan», - delіngen atalǵan kompanııa taratqan aqparatta.
Ol jolaýshylar kólіgіnde júrgіzýshі retіnde 15 jyldan astam ýaqyt boıy qyzmet etken. Reıske shyǵar aldynda tańerteń saǵat 5:54-te medıtsınalyq tekserýden ótken. Oqıǵa saldarynan basqa adamdar zardap shekpegen.