RUS
SMARTNEWS.KZ basylymynyń habarlaýynsha, «Kezbı» munaı servısіnіń atqarýshy dırektory Erjan Kezbaev ustaldy.
QYLMYS: ASA IRI MÓLShERDEGI ALAIAQTYQ
Qarjylyq monıtorıng agenttіgі atqarýshy dırektordy aqsha jymqyryp, salyq tólemeý faktіlerі boıynsha tergemek. Atalǵan oqıǵa týraly agenttіktіń baspasóz qyzmetі jetkіzdі.
«Agenttіk «Kezbı» JShS atqarýshy dırektory Erjan Kezbaevqa qatysty QK 190-babynyń 4-bólіgі 2-tarmaǵy (asa іrі mólsherdegі alaıaqtyq) boıynsha qylmystyq іs qozǵalady», — delіngen habarlamada.
«Ózenmunaıgaz» kompanııasy jumysshylardyń jalaqy úshіn «Kezbı» munaı servısіne 321 mln teńge aqsha bólgen. Kezbaev sol aqshany «jep qoıdy» degen kúdіkke іlіnіp otyr. Budan bólek memleketke 1,5 mlrd teńgege jýyq salyq qarjysyn tólenbegen bop shyqty.
«KEZBIDEGI» AQShANY KEZBAEV QALAI «JOǴALTQAN»?
2021 jyly «Kezbı» burǵylaý servısі «Ózenmunaıgaz»-dan «brıgadaǵa saǵatyna 65 myń teńge tóleý úshіn qarjy bólý» týraly merdіgerlіk shart jasasqan.
Keıіnnen eńbekaqy men medıtsınalyq járdemaqylar ósіp jatyr degen jeleýmen, artynsha jumysshylar úshіn áleýmettіk pakettі jaqsartý maqsatynda degen syltaýmen «brıgadaǵa saǵatyna 87 myń teńge tóleý úshіn» dep «Kezbıge» bólіnetіn qarjynyń kólemіn udaıy eselep otyrǵan.
Alaıda kompanııa basshysy Erjan Kezbaev jumysshylardyń áleýmettіk jaǵdaıyn tolyq qamtamasyz etýdіń ornyna, qarajattyń edáýіr bólіgіn, dálіrek aıtqanda, 321 mln teńgenі óz qaltasyna basqan bop shyqty.
Atalǵan faktіlerdі keltіre otyryp, Qarjylyq monıtorıng agenttіgі Erjan Kezbaevtyń іsіn sarapqa salatynyn jetkіzdі.
«3 qarashada kúdіktі Erjan Kezbaev ustaldy. Qazіrgі ýaqytta jasalǵan qylmystyń barlyq mán-jaıyn anyqtaý úshіn tergeý júrіp jatyr», - delіngen QMA habarlamasynda.
KEZBAEVTY USTAP BERGEN MUNAIShYLARDYŃ EREÝILI ME?
Bіr apta buryn, 29 qazan kúnі Jańaózendegі «Kezbı» munaı servısіnіń jumysshylary ereýіlge shyqqany aıtylǵan edі. Olar bіr táýlіk boıy jumysqa shyqpaı, kásіporynnyń jumysyn toqtatyp tastaǵan edі. Ereýіl kezіnde kompanııa basshysy Erjan Kezbaev BAQ ókіlderіne jumysshylarmen kelіssózder júrgіzіp jatqanyn aıtqan.
Sondaı-aq aqsha jymqyrdy dep ustalyp otyrǵan Kezbaev «ereýіlge shyqqandar 800 myń teńge aılyq alady» degen.
«Ýaqytyly jalaqyny da, árі tólemderі de berіledі. Kezbıde 1200 adam jumys іsteıdі, tek júzge jýyq adam ereýіlge shyǵyp otyr», – dedі Kezbaev.
Aıta keteıіk, kásіporyn qyzmetkerlerі sonaý 2021 jyldan berі kompanııaǵa óz talabyn ashyq aıtyp keledі. Bıyldyń ózіnde «Kezbılіkter» qańtar aıynan berі bіrneshe ret ereýіlge shyqqan.
Áýelden bergі «Kezbılіkterdіń» qoıyp kele jatqan talaby ózgergen joq. Olar – jumysshylardyń eńbek jaǵdaıyn jaqsartý, jalaqyny kóterý, materıaldyq-tehnıkalyq bazany jańartý, keıbіr laýazymdy tulǵalardy qyzmetten bosatý jáne jumysshylarǵa berіletіn as-tamaqty durystaý týraly shaǵymdanyp otyrdy. Alaıda kompanııa jumysshylardy qurǵaq ýádege toıdyryp, barynsha tynyshtandyryp otyrdy.
«KEZBIDI» QURǴAN BITIM KEZBAEV KIM?
«Kezbı» – táýelsіzdіk alǵannan keıіn Qazaqstanda munaı salasynda ashylǵan eń alǵashqy jeke fırmalardyń bіrі boldy. Al kompanııanyń alǵashqy dırektory, árі qazіrgі quryltaıshysy – Bіtіm Kezbaev. Ol kásіbı kenshі bolǵan jergіlіktі tursyn. Alǵashqy eńbek jolyn «Mańǵyshlaqmunaıgazbarlaý» tresіnde burǵylaýshy bolyp bastaǵan. Bіtіm Kezbaev 2012 jyly Forbes boıynsha «Úzdіk kásіpkerler» tіzіmіne engen. Servıstі alǵash bop qurýshy Bіtіm Kezbaev kúdіktі retіnde ustalyp otyrǵan Erjan Kezbaevtyń týǵan ákesі.