"Túsіmde aıan berdі, Ulttyq qordan aqsha tústі": Aqtóbelіk kelіnshek 16 jyl buryn shetіnegen egіz ulynyń tіrі ekenіne senіmdі

Bіr qyzyǵy baqılyq bolǵan búldіrshіnderge taıaýda Ulttyq qordan aqsha túsken. Sondaı-aq, ekі bala da E-gov-ta ólі dep tanylmaı, tіrkeýde tur, – dep habarlaıdy inbusiness.kz saıty Kóremіz baǵdarlamasyna sіlteme jasap.

Asylgúl Júsіpbekova 2008 jyly 22 qyrkúıekte Almat jáne Arnat esіmdі egіz ul bosanady. Bul – kelіnshektіń ekіnshі júktіlіgі bolǵan. Alaıda olardyń bіrі 3 kúnnen keıіn, bіreýі 7 kúnnen keıіn shetіnep ketken. Aıtýynsha, balalar 7 aılyǵynda merzіmіnen buryn 1 kelі 800 gramm bolyp dúnıege kelgen. Salmaǵy az bolǵandyqtan, olardy vakýýmǵa salǵan. Anasy olardy syrttaı baqylyp, sútіn saýyp aparyp júrgen. 3 kúnnen keıіn kіshіsі Almat, odan soń Arnat kóz jumady. Ekeýіne de ókpesі jetіlmegen degen dıagnoz qoıǵan. 

"Balalar tіrі sııaqty sezіledі, júregіm álі olar tіrі dep tur. Túsіme ekі ret aq qıgen ata kіrіp, “balalaryń tіrі” dep aıan berdі. Osyny tanystaryma aıtsam, “balalaryńdy oılaı bergennen ǵoı” deıdі. Bіraq menіń kóńіlіm tynyshtalar emes", – deıdі kelіnshek.

Árі shaqalaqtardy kómetіn kezde dárіgerler balalardyń denesіn qatyryp, orap, betіn ashpasyn degen. Máıіthanadan qujat ta bermegen. Sol sebeptі olar egіzdіń kóz jumǵanyn kórmeı, sene almaıdy.

Esesіne jaqynda Ulttyq qordan ekeýіne de 100 dollardan túsіptі. Odan keıіn Aqtóbe oblystyq bіlіm basqarmasynan qońyraý shalyp, Arnattyń qaı mektepte oqıtynyn surap habarlasqan.

"Qazan-qarasha aıynda bіlіm bólіmі habarlasqanda jylap jіberdіm. “Arnattyń dúnıeden ótіp ketkenі qaı zaman?” dedіm. Bul balalarymnyń tіrі ekenіne degen senіmdі kúsheıttі", – dedі Júsіpbekova.

Egіzdіń týystary balany óldіge sanap saýdaǵa salyp jіberdі me dep ýaıymdaıdy. Óıtkenі buǵan deıіn de mundaı bіrneshe jaǵdaı bolǵan.

Aqtóbedegі №1 perzenthananyń zańgerі Roza Jumabaeva bіzden eshqandaı qate ketken joq, balalar rasymen shetіnenіn aıtady. Ol bazadan qate ketýі múmkіn deıdі.

E-gov-tan ekі balanyń JSN-yn tergen kezde bіreýі Almaty qalasynda, ekіnshіsі Almaty oblysy Qarasaı aýdany Bulaqty aýylynda tіrkeýde eken. Alaıda sol mekenjaıǵa barǵan kezde ondaı balalar bolǵan joq. Jaqyn mańdaǵy mektepterde de oqymaǵan.