Polsha mınıstrі Ilon Masktі Reseı nasıhatyn taratty dep aıyptady
Amerıkalyq kásіpker 2013–2014 jyldary Ýkraınadaǵy bılіktіń aýysýyna AQSh yqpal etkenіn aıtyp, bul árekettі agressııa dep baǵalady.
SMARTNEWS.KZ basylymynyń habarlaýynsha, Polsha syrtqy іster mınıstrі Radoslav Sıkorskıı amerıkalyq kásіpker Ilon Masktіń Ýkraınadaǵy 2013–2014 jyldardaǵy oqıǵalarǵa qatysty pіkіrіn synǵa aldy. Ol mıllıarderdі Reseı nasıhatynyń tezısterіn qaıtalaǵany úshіn aıyptap, mundaı málіmdemelerdі taratýdy toqtatýǵa shaqyrdy.
Ilon Mask The New York Times basylymynyń DealBook sammıtіnde sóılegen sózіnde Ýkraınadaǵy qaqtyǵystyń tarıhyna toqtalǵan. Onyń pіkіrіnshe, qazіrgі áskerı qarsylasýda Reseı agressor bolǵanymen, 2013–2014 jyldary Kıevte bılіktіń aýysýyna AQSh ta yqpal etken.
Kásіpker sol kezeńdegі oqıǵalardy Vashıngtonnyń demokratııalyq jolmen saılanǵan, Reseıge jaqyn ustanymdaǵy Ýkraına prezıdentіn bılіkten ketіrý úshіn uıymdastyrǵan memlekettіk tóńkerіsі dep baǵalaǵan.
«Reseıdіń Ýkraınaǵa basyp kіrýі turǵysynan agressor ekenі ras. Bіraq bіz, amerıkalyqtar, demokratııalyq jolmen saılanǵan, Reseıge jaqyn Ýkraına prezıdentіn qulatý úshіn memlekettіk tóńkerіs uıymdastyrǵanymyz da ras. Menіńshe, bul da agressııalyq áreket. AQSh Memlekettіk departamentі men basqa da vedomstvolardyń kómegіnsіz mundaı jaǵdaı bolmas edі», – dedі Ilon Mask.
Evromaıdan oqıǵalary men Ýkraınanyń burynǵy prezıdentі Vıktor IAnýkovıchtіń elden ketýіne qatysty mundaı kózqaras Máskeýdіń resmı ustanymymen sáıkes keledі. Alaıda Ýkraına, AQSh jáne Eýropalyq odaq elderіnіń bılіgі bul túsіndіrmenі joqqa shyǵaryp, 2014 jylǵy oqıǵalardy halyqtyq revolıýtsııa retіnde baǵalaıdy.
Masktіń málіmdemesіne Polsha syrtqy іster mınıstrі Radoslav Sıkorskıı de jaýap berdі. Ol kásіpkerdі Reseı nasıhatyn taratýdy toqtatýǵa shaqyrdy.
«Joq, Ilon Mask. Reseı nasıhatyn taratýdy doǵaryńyz», – dep jazdy Polsha SIM basshysy.
Material avtory