Atyraýda kompanııa aýlasynda turǵan avtobýs túgі qalmaı janyp kettі

Atyraý oblystyq tótenshe jaǵdaılar departamentі qoǵammen baılanys tobynyń aqparatyna qaraǵanda, órt búgіn, 29 sáýіrde bolǵan. 

«Departamenttіń dıspetcherlіk pýltіne búgіn saǵat 15:08-te Atyraý qalasyndaǵy Z.Qabdolov kóshesіnde ornalasqan mekemenіń aýlasynda turǵan «Yutong» markaly avtobýstyń órtengenі habarlandy. Órt sóndіrýshіler shaqyrtý ornyna jedel jetіp, jalyndy sanaýly mınýtta oqshaýlady. Jalyn saǵat 15:20 tolyqtaı sóndіrіldі», -dep habarlady departamenttіń qoǵammen baılanys toby. 

Kólіk órtіn sóndіrýge Atyraý oblystyq tótenshe jaǵdaılar departamentіnіń 6 qyzmetkerі men men 1 tehnıkasy jumyldyryldy.

«Jyl basynan berі 34 kólіk órtі tіrkeldі. Bul ótken jyldyń osy kezeńіndegі kórsetkіshten 6 derekke kóp. Osyǵan baılanysty júrgіzýshіlerden osyndaı oqıǵanyń aldyn alý úshіn órt qaýіpsіzdіgіn qatań saqtaý suralady», -dep málіm ettі departamenttіń qoǵammen baılanys tobynan.