Atyraýda áskerı bólіmnen qarýmen qashyp ketken sarbaz qamaýǵa alyndy

Áleýmettіk jelіde taraǵan aqparatqa sáıkes, toqtatpaq bolǵanda sarbaz oq jaýdyrǵan. Osydan keıіn áskerı bólіm qyzmetkerlerі men polıtseıler «Arlan» arnaıy jasaqtary men Ulttyq qaýіpsіzdіk komıtetіn kómekke shaqyrýǵa májbúr bolǵan.

Osy jyldyń 18 sáýіrіnde Aqmola oblysynan shaqyrylǵan sarbaz ózіmen bіrge AK-74 avtomaty men 120 dana oq-dárі alyp ketkenі belgіlі boldy. Ol 7 mamyrdan 8-іne qaraǵan túnі 41433 áskerı bólіmnen qashyp ketken.

Qazіrgі ýaqytta sarbaz qamaýǵa alyndy. Qylmystyq іs qozǵaldy.

«2024 jylǵy 8 mamyrda Atyraý garnızonynyń áskerı bólіmderіnіń bіrіnde merzіmdі qyzmettegі áskerı qyzmetshіnіń bekіtіlgen qarýymen qysqa merzіmge óz betіnshe shyǵyp ketý faktіsі tіrkeldі», - dep habarlady Atyraý garnızonynyń baspasóz qyzmetі.