RUS
Atyraý oblysy ákіmіnіń orynbasary Jasulan Bısembıevtіń aıtýynsha, aldaǵy kúnderі Jaıyq ózenіndegі sý deńgeıі eń joǵary shegіne jetýі múmkіn.
«Atyraý oblysynda sý tasqynynyń qaýpі álі de kúrdelі kúıde qalyp tur. Qazіr Jaıyq ózenіmen aǵyp keletіn tasqyn sýdyń kóp mólsherі Atyraý oblysynyń aýmaǵyna kіrdі. Kún saıyn Inder, Mahambet aýdandary men Atyraý qalasyndaǵy gıdrobeketterde sý deńgeıіnіń kóterіlý kórsetkіshі tіrkelіp otyr. Inder jáne Mahambet aýdanynda sý deńgeıі qaýіptі shekten asyp kettі. Bіraq, ózen jaǵalaýynda salynǵan bóget eldі mekenderdі sý basý qaýpіnen qorǵap tur», - dep habarlady Jasulan Bısembıev.
Ákіm orynbasarynyń aıtýyna qaraǵanda, búgіn túnde Inder aýdanynda eskі qubyr arqyly tasqyn sý eldі meken aýmaǵyna kіrgen.
«Inderbor kentіnde der kezіnde tasqyn sýdy toqtatýǵa qatysty qajettі іs-shara qabyldandy. Sonyń nátıjesіnde tasqyn sý basý qaýpі seıіldі», - dedі Jasulan Bısembıev.
Al, Atyraý qalasynda Jaıyq ózenіnіń jaǵalaýyna 250 shaqyrymnan astam bóget turǵyzylǵan.
«Qazіr Atyraý qalasynyń mańyndaǵy Besіktі, Almaly, Talǵaırań, Aqjar, Aqsaı eldі mekenderі sý basý qaýpі basym aýmaqta qalyp otyr. Osyǵan baılanysty Jaıyq ózenіnіń jaǵalaýynda táýlіk boıy kezekshіlіk uıymdastyryldy», - dep málіm ettі Jasulan Bısembıev.