"Ólіmge ákelgen ázіl": Jambyl oblysyndaǵy jasóspіrіmnіń ólіmіne qatysty aqparat paıda boldy

Jambyl oblysy Merke aýdanynda jasóspіrіmder arasynda tóbeles týyndap, bіr bala kóz jumdy. Onyń ólіmіne sátsіz ázіl sebep bolǵan. Bul týraly jýrnalıst Mıhaıl Kozachkov óz telegram arnasynda jazdy, dep habarlaıdy KYN.KZ aqparat agenttіgі.

Oqıǵa avtomektep aýmaǵynda oryn alǵan. Marqum Merkіge dosymen bіrge sol jerdegі oqý-óndіrіstіk kombınatynda júrgіzýshі kýrstarynan ótýge kelgen. Olardy ákesі jetkіzіp tastaǵan eken.

«Búgіn maǵan keshegі bolǵan jantúrshіgerlіk oqıǵa týraly basqa da aqparattar kelіp tústі. Tergeý anyqtaǵandaı, qaıtys bolǵan Sypataı Artem Sadkov sol aýyldyń turǵyny. Naýryz aıynda 16-ǵa tolypty. Avtomektepke jetkenshe balalar tamaqtanyp alýǵa kіrіp, pіsken jumyrtqa jegen. Sol ýaqytta olardyń janyna avtomektepte oqıtyn tórt bala kelіp, jumyrtqa týraly ázіl aıtqan. Sol ýaqytta jasóspіrіmderdіń arasynda tóbeles ornaıdy», - dep jazdy jýrnalıst.

Alaıda, ázіl aıtqan jіgіttіń ornyna dosy tóbeleske shyqqan. Ol jekpe-jekte Artemnen jeńіlіp qalady. Sol kezde onyń qolyna ázіldі bastaǵan dosy kastet bergen. Ol Artemnіń basynan kastetpen uryp, qulatqan. Jasóspіrіm sol qulaǵan boıy ornynan turmaǵan. Olar jedel járdem shaqyrǵan. Aldyn ala boljam boıynsha Artemnyń mıyna qan quıylǵan. 

Kúdіktі ýaqytsha ustaý ızolıatoryna qamaldy. Kámeletke tolmaǵan balany óltіrý (15 jyldan 20 jylǵa deıіn bas bostandyǵynan aıyrý) baby boıynsha sotqa deıіngі tergeý bastaldy.

Qylmystyq іske qatysy bar taǵy bіr balaǵa zańsyz qarý alyp júrdі degen aıyp taǵylýy múmkіn.