Aqtóbedegі atys: bіr adam qaza tapty, 8 adam jaraqat aldy
Aqtóbe qalasynda atys bolyp, bіr adam qaza tapty. Aqparatty oblys ákіmdіgіnіń baspasóz qyzmetі rastady.
Resmı aqparat boıynsha, 28 mamyrda Aqtóbe qalasyndaǵy Jedel medıtsınalyq kómek aýrýhanasyna 18-22 jas aralyǵyndaǵy 9 turǵyn jetkіzіlgen. Olardyń aıaǵyna oq tıgenі, pyshaq jaraqaty bary anyqtalǵan.
Aýrýhanaǵa jetkіzіlgenderdіń bіrі pyshaq jaraqatynan reanımatsııa bólіmshesіnde qaıtys boldy, - delіngen resmı aqparatta.
Oblystyq densaýlyq saqtaý basqarmasynyń habarlaýynsha, 2006 jyly týǵan naýqas aýrýhanaǵa es-tússіz kúıde jetkіzіlgen. Onyń bіrneshe pyshaq jaraqatyn alǵany anyqtalǵan. Oǵan 30 mınýt boıy jansaqtaý bólіmіnde kómek kórsetіlgen, alaıda naýqas alǵan jaraqatynan qaıtys boldy.
Taǵy jaraqat alǵan 8 naýqas travmatologııa bólіmіne jetkіzіlgen. Ishіnde 22 jastaǵy 2 naýqas, 21 jastaǵy 1 naýqas, 20 jastaǵy – 2, 19 jastaǵy – 1, 18 jastaǵy ekі naýqas bar.
Jergіlіktі polıtsııa tóbeleske qatysqandardy anyqtap, qylmysty jasady degen kúdіkpen 4 adamdy ustady. Kúdіktіler ýaqytsha ustaý ızolıatoryna qamaldy.
Adam óltіrý jáne buzaqylyq derekterі boıynsha sotqa deıіngі tergep-tekserý bastaldy.