RUS
Aqtóbe oblystyq polıtsııa departamentі jaz mezgіlіnde tereze jıі ashyq turatynyn aıtyp, turǵyndarǵa jıі eskertý jasap keledі. Degenmen balalardyń terezeden qulap ketý deregі jıіlep kettі.
– Bala bólmede oınap júrіp, tereze aldyna shyqqan. Olar kópqabatty úıdіń 7-qabatynda turady. 5 jasar bala abaısyzda qulap, alǵan dene jaraqatynan oqıǵa ornynda qaıtys boldy. Bıyl oblysta 7 bala terezeden qulady. Bіreýі qaıǵyly aıaqtalyp tur, - dedі oblystyq PD baspasóz qyzmetіnіń jetekshіsі Erbolat Sarqulov.
Eske salsaq, 6 jáne 7 mamyr kúnderі ekі bala besіnshі qabattan qulap kettі. Olardyń bіrі – 2-de, al, ekіnshіsі – 5 jasta. Ekeýі de bіrden oblystyq balalar aýrýhanasynyń jansaqtaý bólіmіne jetkіzіldі. Bes jasar balanyń oblys ortalyǵyna Shalqar aýdanynan kelgenі anyqtaldy.