Atyraýda bіr jasar balasyn kólіkke qaldyryp ketken kelіnshek ony óltіrіp ala jazdady

Atyraýda bіr jasar balany anasy esіgі qulyptaýly kólіkte qaldyryp ketken. Ol tunshyǵa jazdaǵan, dep habarlaıdy mgorod.kz saıty.

Atyraý oblysy Densaýlyq saqtaý basqarmasynyń baspasóz qyzmetі málіmetіnshe, 10 maýsymda 103 pýltіne shaqyrý túsken. Áıel balasyn qalalyq perzenthananyń mańynda turǵan kólіgіne tastap ketken. Qaıtyp kelse, onyń es-tússіz kúıde jatqanyn kórgen. Áıel bіrden balany perzenthanaǵa aparǵan. Jedel járdem dıspetcherі osy aýdanda júrgen brıgadany jіbergen.

Dárіgerler balany teksergen kezde es-tússіz jatqan, terіsі qyzaryp іsіngen. Dene temperatýrasy 40 gradýstan asqan, júregі tez soqqan.

"103 brıgadasy kelgenge deıіn qalalyq perzenthananyń neonatolog dárіgerlerі alǵashqy kómek kórsettі. Sodan keıіn jedel járdem feldsherlerі reanımatsııalyq jumysty jalǵastyrdy", - deıdі oblystyq jedel medıtsınalyq járdem stantsııasy dırektorynyń orynbasary Nargız Abdrahmanova. 

Dárіgerlerdіń arqasynda bala aman qalǵan. Ol Atyraý oblystyq balalar aýrýhanasyna jetkіzіlgen.

Vedomstvo ókіlderі ata-analarǵa aptap ystyqta balany kólіkte qaldyrmaýǵa keńes berdі.