RUS
Atyraý oblystyq densaýlyq saqtaý basqarmasy baspasóz qyzmetіnіń málіmetіnshe, 11 maýsymda 103 pýltіne saǵat 19:23te balanyń tunshyǵyp jatqany týraly shaqyrtý túsken.
«Jedel járdem brıgadasy shaqyrtýǵa 5 mınýtta jettі. Dárіgerler teksergende bala es-tússіz jatqan. Onyń júrek soǵysy bolmaǵan. Ol 10 mınýt buryn túsken astyńǵy tіsіn jutyp, qaqalyp qalǵan. Al, ákesі jedel járdem brıgadasy kelgenshe júrek, ókpe tusyna reanımatsııa jasaǵan. Bіraq, bul áreketten esh nátıje bolmaǵan. Brıgada quramyndaǵy feldsherler Meıramgúl Qurmasheva men Aıbek Jeńіsov qajettі apparattardy qosyp, keń aýqymdy júrek-ókpe reanımatsııasyn júgrіzdі. Osyndaı 3 tsıkl jasalǵannan keıіn balada tіrshіlіk belgіlerі paıda boldy», - dep habarlady basqarmanyń baspasóz qyzmetі.
Alaıda, balada qaıtadan klınıkalyq ólіm belgіlerі baıqalǵan. Jedel járdem kólіgіnde balanyń júregі 3 ret toqtaǵan. Feldsherlerdіń sáttі reanımatsııasyan keıіn júrek soǵysy qalpyna kelgen. Qazіr 5 jasar Atyraý oblystyq balalar aýrýhanasynyń jansaqtaý bólіmshesіnde jatyr.