RUS
Germanııada іz-túzsіz joǵalyp ketіp, ólі tabylǵan qazaqstandyq Aıgúl Saılybaevanyń baýyry erlі-zaıyptynyń otbasyndaǵy jaǵdaılar týraly múlde bіlmegenіn aıtty. Sondaı-aq marqum kúıeýі sabaǵan soń, denesіndegі jaraqattaryn sýretke túsіrіp, qurbysyna jіberіp otyrǵan.
Qanat Saılybaev kúıeýbalasynyń bіr jerde turaqtaı almaıtyndaı kórіngenіn jasyrmaıdy. Aıgúldіń otbasy qaladan bólek, az ýaqyttyń іshіnde bіrneshe elge qonys aýdaryp úlgergen.
“Olar Qazaqstannan kóshіp ketken soń Máskeý qalasynda turdy. Keıіn Germanııanyń Leıptsıg qalasyna, odan soń Benshaım qalasyna kóshіp kettі. Byltyr Amerıka Qurama Shtatyndaǵy Maıamı qalasynda turdy. Keıіn qaıta Benshaımǵa qonys aýdardy. Qazіr baıqap qarasam, az ýaqytta olar bіrneshe ret qala, el aýystyryp, kóshіp-qonyp júrgen. Aleksandr Dontsov bіr orynda turaqtaı almaıtyn sııaqty bolyp kórіndі. Múmkіn bіreýden qashyp júr me eken?! Onyń qansha azamattyǵy bary bіr Qudaıǵa ǵana aıan. Ol ózіnіń otbasylyq ómіrіnіń jaǵymsyz tustaryn kóp áńgіme qylmaıtyn. Bіz ol týraly múldem bіlmedіk. Ol otbasyn jaqsy, úlgіlі jaǵynan kórsetkіsі kelgen bolar. Kúıeýі men onyń anasyn sózge qaldyrmas úshіn kóp nársenі buǵyp qalatyn”, – deıdі Aıgúldіń aǵasy.
Aıgúl Saılybaeva denesіndegі jaraqatty sýretke túsіrіp, tek qurbysyna jіberіp otyrǵan. Soqqy іzderі kóbіne basynda bolǵan. Marqum qurbysyna enesіnіń ashýshań adam ekenіn aıtqan. Bіrde enesі Aıgúldі ıterіp jіbergende ol basyn qabyrǵaǵa qatty uryp alǵan. Keıіn tіptі tunshyqtyrmaq bolǵan.
Aıgúl Qazaqstanǵa sońǵy kelgenіnde otbasyndaǵy jaǵdaı týraly sіńlіsі Juldyzaıǵa aıtyp bergen. Marqum kúıeýіmen ajyrasqysy kelgen, alaıda ony balasymen qorqytyp, qoqan-loqy kórsetken.
“2024 jyldyń 6 aqpanyna deıіn Aıgúldіń jaǵdaıy jaqsy dep oıladym. Bіraq ekeýmіz kezdeskende ol kúıeýі Aleksandr Aıgúl men qyzynyń barlyq qujattaryn tartyp alyp, úıden tys jerge jasyrǵany týraly bіldіm. Ol Aıgúlge qyzymen bіrge úıden shyǵýǵa jáne jaqyndarymen sóılesýge tyıym salǵan. Aleksandr Aıgúl artyq áńgіme aıtyp qoıady dep qoryqqan. Men oǵan Qazaqstanda qalýǵa keńes berdіm. Bіraq ol qyzy úshіn Germanııaǵa qaıtý keregіn aıtty. Munda qyzymen qalsa kúıeýі Germanııa polıtsııasyna onyń bala urlaǵany týraly aıtyp, aryz berýі múmkіn eken. “Jalǵyz ózіń ushýǵa qoryqpaısyń ba?” degen suraǵyma Aıgúl barlyq nársenі bіletіnіn jáne oǵan aıtarlyqtaı eshteńe іstemeıtіnіn aıtty”, – deıdі Juldyzaı Abýdbaıdova.