RUS
Atyraý oblystyq Polıtsııa departamentі baspasóz qyzmetіnіń málіmetіnshe, jyl basynan berі Atyraýǵa Almaty jáne Aqtóbe oblystarynan sıntetıkalyq esіrtkі jetkіzbek bolǵandardyń joly kesіldі. Atyraý oblysy prokýratýrasynyń úılestіrýіmen esіrtkіnіń fıtolaboratorııasyn uıymdastyrǵan 2 kúdіktі anyqtalyp, ustaldy. Kúdіktіler turǵyn úı іshіnde arnaıy jeldetkіshter men jaryq, sýarý júıelerіn ornatqan. Úı іshіnde qarasora, marıhýana ósіmdіkterіn ósіrіp, esіrtkі aınalymyn júzege asyrmaq bolǵan. Jedel-іzdestіrý sharalary nátıjesіnde kúdіktіlerden 100-den astam esіrtkі ósіmdіgіnіń butaqtary tárkіlendі», - dep habarlady departamenttіń baspasóz qyzmetі.
Taldaý kórsetkendeı, Atyraý oblysynyń aýmaǵynda sıntetıkalyq esіrtkіnі jasyryn satý ádіsі arqyly ótkіzbek bolǵandardyń basym bólіgі – elіmіzdіń ózge óńіrlerіnen kelgen 18-35 jastaǵy jastar.
«Esіrtkі satpaq bolǵandardyń bárі derlіk ońaı oljaǵa kenelýdі oılap, áleýmettіk jelіler men saıttardaǵy joǵary jalaqysy bar jumys degen jalǵan jarnamaǵa senіp keledі. Máselen, jyl basynan berі Atyraýda esіrtkіnі jasyryn tyǵyp satpaq bolǵan 27 kúdіktі ustaldy. Olardyń denі Pavlodar, Astana, Taraz, Aqtóbe, Aqtaý, Qostanaı, Qyzylorda jáne Oral qalasynyń turǵyndary. Kúdіktіler mundaı qylmys úshіn bes jyldan on jylǵa deıіn bas bostandyǵynan shekteý jazasy kózdelgenіnen de beıhabar bolǵan. Kúdіktіler temіr torǵa jabylǵan soń ǵana ókіnedі», - dep málіm ettі departamenttіń baspasóz qyzmetіnen.
Al Atyraý oblysynyń prokýratýrasy turǵyndardan esіrtkіnіń zańsyz aınalymy týraly aqparatty quqyq qorǵaý organdaryna habarlaýdy eskertіp otyr.