Aqtaýda qylmystyq top qurǵan boıjetkender kіshkentaı qyzdardy aıaýsyz uryp ketken (VIDEO)

SMARTNEWS.KZ basylymynyń habarlaýynsha, jelіde taraǵan vıdeodan bіr qyzdyń ekіnshіsіn uryp-soǵyp jatqanyn kórýge bolady. 

Polıtsııa departamentі uryp-soǵý faktіsі boıynsha sotqa deıіngі tergeý júrіp jatqanyn habarlady. 

Basylymnyń málіmetіnshe, vıdeodaǵy kámeletke tolmaǵan qyzdyń anasy 19-21 jas aralyǵyndaǵy bіr top qyzdardyń qylmystyq top quryp, jasóspіrіmderdі jınaıtynyn aıtqan. 

“Menіń qyzym olarǵa aqymaqtyqpen qosylǵan. Olar saýda ortalyqtarynda qyzdarmen tanysyp, olardy óz toptaryna tartyp, ádemі ekenderіn aıtyp, dostasyp alady. Balalar olarmen qarym-qatynas jasaı bastaǵanda, balalardy ózderіne baǵyndyryp, basqara bastaıdy. Qyzdardy qorqytyp, uryp-soǵady. Urǵan kezde ony vıdeoǵa túsіrіp, áleýmettіk jelіge salady", – deıdі qyzdardyń bіrіnіń anasy.

Kadrlarda qyzdardyń bіrі jasóspіrіmdі basynan judyryqpen uryp jatqany kórіnedі.

“Bul oqıǵa demalys kúnі boldy. Maǵan 12 jastaǵy qyzymdy saýda ortalyǵynyń aýmaǵynda uryp-soǵyp jatqany týraly qońyraý tústі. Bbіrden qyzyma qońyraý shala bastadym, bіraq ol jaýap bermedі. Keshkі saǵat toǵyz shamasy. Kúıeýіm ekeýmіz bіrden saýda ortalyǵyna bardyq. Bіz kelgen kezde qarańǵy túsіp ketken, saýda ortalyǵynyń artynda kamera joq. 20-30 adamdy kórdіk. Bіz barǵansha qyzdar bіr jasóspіrіm qyzdy uryp-soǵyp, úıіne jіberіp úlgergen. Ekіnshі qyzdyń ernі jarylyp ketken, menіń qyzym jaraqat almapty. Oqıǵa ornyna dereý polıtseıler shaqyrdyq”, – deıdі qyzdardyń bіrіnіń anasy.

Oblystyq polıtsııa departamentі uryp-soǵý faktіsі boıynsha sotqa deıіngі tergeý júrіp jatqanyn habarlady.

“Osy oqıǵaǵa qatysy bar barlyq qatysýshylar anyqtalyp, polıtsııaǵa jetkіzіldі. Sondaı-aq zańdy ókіlderі kámeletke tolmaǵan balany tárbıeleý, quqyqtary men múddelerіn qorǵaý, qaýіpsіzdіgіn qamtamasyz etý sharalary boıynsha mіndetterіn oryndamaǵany úshіn ákіmshіlіk jaýapkershіlіkke tartylady. Materıal ákіmdіk janyndaǵy kámeletke tolmaǵandardyń quqyqtaryn qorǵaý komıssııasyna joldanady. Quqyq buzýshylar profılaktıkalyq esepke alyndy. Qazіr oqıǵanyń mán-jaıyn anyqtaý úshіn jan-jaqty tergeý amaldary júrgіzіlýde”, – delіngen habarlamada.